Ezekiel 7:9 - Maung A Balita Biblia

⁹ Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Maung a Balita Biblia

⁹ Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.

Ezekiel 7:9 Referans Kwoze

Puyan 20:13

Impaway na dayat iray inaatey a walad sikato. Impaway met na patey tan say Hadis iray inaatey a walad sikara. Asintinsiaan iran amin, onung ed saray ginagawa ra.

TAGA GALACIA 6:7

Ag yo titilaay sikayon dili: anggapoy makapantila ed Dios. No antoy intanem na too, sikato met so anien to.

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Ezekiel 7:8

“Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.

Ezekiel 7:10

Onsasabi lay agew na kaderal yo. Ondarakel so panagduksa. Mapalalo lay panagpaatagey da ray totoo.

Ezekiel 23:49

Et sikayon ran sanagin bii—dusaen ta kayo lapud inkaimmoralidad yo tan lapud kasalanan yod impangigalang yod saray talintaoy diriyos. Diad satan nakabatan yo a siak so Katawan a Dios.”

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 22:22

Natonaw ira ed Jerusalem a singa katonaw na pilak ed palbaan, et diad satan naamtaan da a liliknaen da so sulit na pasnuk ko, siak a Katawan.”