Ezekiel 7:3 - Maung A Balita Biblia

³ “Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.

Maung a Balita Biblia

³ Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.

Ezekiel 7:3 Referans Kwoze

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Ezekiel 33:20

Balet Israel, ibabagam ya aliwan matonung so gagawaen ko. Sintinsiaan ta ka onung na gagawaen mo.”

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Ezekiel 36:19

Sinintinsiaan ko ray dusa lapud maoges so impanbilay da tan saray ginagawa ra, kanyan inkaykayat ko rad nandoroman bansa.

Ezekiel 7:27

Manermen so ari, naekalan na ilalo so prinsipi, tan onggiwgiw ed takot iray totoo. Dusaen ta kayo lapud amin a ginagawa yo, tan sintinsiaan ta kayo onung na impansintinsia yo ed saray arum a totoo. Diad saya naamtaan yo a siak so Katawan.”

Genesis 6:13

Inkuan na Dios ed kinen Noe, “Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.

Ezekiel 22:31

Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra.” Say Katawan a Dios so nansalita.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Ezekiel 11:21

Balet dusaen ko ray totoon maliket a mangigalang ed saray marotak tan makapaingungot a talintao. Dusaen ko ra lapud saray ginagawa ra.” Say Katawan a Dios so nansalita.

Ezekiel 16:43

Alingwanan moy impangasikasok ed sika nen ogaw ka ni, tan impanpasnuk mo ak lapud saray amin a ginagawam. Lapud saya siningil ta kad sarayan amin. Akin et inyarum moy marotak ya impipiakdul mod arum ed saray ginagawam a makapaingungot a bengatla?” Say Katawan a Dios so nansalita.

Ezekiel 16:59

Say Katawan a Dios kuanto, “Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Oseas 12:3

Akipoligesgesan si laki ran Jacob ed kinen Esau a kalasun to nen wala ni rad eges na ina ra; nen binmaleg lay Jacob, akibalsakan ed Dios—