Ezekiel 7:26 - Maung A Balita Biblia

²⁶ Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Maung a Balita Biblia

²⁶ Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Ezekiel 7:26 Referans Kwoze

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Ezekiel 14:1

Pigaran pangulo da ray Israelita so dinmagon angipanon ed siak na nipaakar ed linawa na Katawan.

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Ezekiel 8:1

Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.

Saray Tagleey 2:9

Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Deuteronomio 32:23

“‘Ipadalan kod sikaray ag mangangga ran deral tan ibolus kod sikara iray amin a panak.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Levitico 26:24

sumpaen ta kayo tan mamimpito nin belat so iyarum ko lamet ed dusa yo lapud saray kasalanan yo.

Levitico 26:21

“No siansia nin sumlangen yo ak tan ag yo ak ni onuren, mamimpito nin belat so iyarum ko lamet ed dusa yo lapud saray kasalanan yo.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.

Ezekiel 11:2

Inkuan na Dios ed siak, “Sika a toon ompatey, maoges so iplaplano na saray lalaki tan makapoy a simbawa so iiter dad sayan siudad.

Ezekiel 12:22

Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Ezekiel 22:26

Susumlangen na saray papari so ganggan ko tan dodotakan da so antokaman a masanto. Ag da pandodomaen so masanto tan say aliwan masanto. Ag da ibabangat so pandomaan na bengatlan malinis tan say aliwan malinis, tan anggapoy walad sikara so Agew na Panagpainawa. Lapud saya, ag ak papagalangan na saray totood Israel.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Malakias 2:9

Kanyan abuloyan kon balawen kayo na saray totood Israel lapud ag yo oonuren so linawak, tan no bangatan yo ray totook wala ray lalabien yo.”