Ezekiel 7:19 - Maung A Balita Biblia

¹⁹ Ibanbantak dad saray dalan a singa dotak iray balituk tan saray pilak da, lapud ag ira nilaban na pilak odino balituk da no idapo na Katawan so pasnuk to. Ag da ra nikanan makapenek na nakaukolan da odino makapesel na narasan ya eges da. Say balituk tan say pilak so angipelag ed sikarad kasalanan.

Maung a Balita Biblia

¹⁹ Ibanbantak dad saray dalan a singa dotak iray balituk tan saray pilak da, lapud ag ira nilaban na pilak odino balituk da no idapo na Katawan so pasnuk to. Ag da ra nikanan makapenek na nakaukolan da odino makapesel na narasan ya eges da. Say balituk tan say pilak so angipelag ed sikarad kasalanan.

Ezekiel 7:19 Referans Kwoze

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Ezekiel 14:7

“Kapag sakey ed saray Israelita odino sakey ed saray sangkailin manaayam ed panaayaman da ray Israelita et ibeneg to ak tan mangigalang ed saray talintaoy diriyos, insan onlan mangipanon ed sakey a propita, sikatoy ebatan ko, siak a Katawan!

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Ezekiel 44:12

Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.

Ecclesiastes 5:10

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Saray Taga Roma 11:9

Inkuan met nen David, “Magmaliw komun a patit tan kalut iray pista ra; natumba tan nadusa komun ira!

2 Saray Arari 7:15

Linma ra ya anggad Jordan, tan diad dalan anengneng da ray kawes tan saray kagawaan ya intitilak na saray Siriano diad imbatik da. Insan ira pinmawil tan imbaga rad ari so agawa.

Probirbio 10:2

Anggapoy kaabigan ya iter ed sika na kayaryan a nalad saolan, balet say katonungan nipaliis to kad patey.

Saray Tagleey 4:1

Binmurarog la so kirlap na balituk tayo; ataytayak ed saray dalan iray bato na Timplo;

Ezekiel 13:5

Ag da guaguardiaan iray pasen ya ageba ray padir, odino papasimbaloen ya ipaalagey iray padir, kanyan ag niagel so Israel no onsabiy bakal no agew na Katawan.

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.

Sofonias 1:3

amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.