Ezekiel 7:16 - Maung A Balita Biblia

¹⁶ Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Maung a Balita Biblia

¹⁶ Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Ezekiel 7:16 Referans Kwoze

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Isaias 37:31

Saray mansiansian mabilay a taga Juda onaligwas iran singa saray tanaman a manlamut na aralem, insan ira mambunga.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Jeremias 44:14

Anggapod saray akeraan a totood Juda a linma ran manaayam ed Egipto, so makabatik odino makapaliis ed patey. Anggapod sikaray makapawil ed Juda a pampilalekan dan panayaman lamet. Anggapoy makapawil, likud labat ed pigpigaran makabatik.”

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Saray Salmo 55:2

Dengel mo ak pa tan ebatan mo ak; makapkapoy ak la, lapud saray pagpagak.

Jeremias 9:19

Dengel moy panaakisan da ray totoo ed Sion: “Aderal-deral itayo! Sigput a naplag itayod kababaingan! Nepeg tin taynan so dalin tayo; aderal-deral tan atumtumba iray kaabungan tayo.”

Ezekiel 14:22

No walay akapaliis ed patey tan nilaban to ray anak to, imanom ira no onla rad sika. Nengneng mo so ontan lan kaogsan da, pian ag ira manduaruwa a manepenepeg so pangiiter koy dusa ed Jerusalem;

Ezekiel 34:6

Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.

Nahum 2:7

Nalan adakep so riyna; maermen iray aripen to, singa ra managlem a malapati, tapok-tapoken dad ermen so kapagewan da.

Sofonias 1:14

Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Jeremias 3:21

Walay nadngel ya eyag ed saray toktok na pokdul; manakakis tan mikakasi ray totood Israel, lapud nambilay irad kasalanan, tan alingwanan day Katawan a Dios da.