Ezekiel 7:13 - Maung A Balita Biblia

¹³ Anggapoy nigosianti ya andokey so pambilay to pian nabawi toy apirdi to, lapud ondapod balang sakey a too so pasnuk na Dios. Ag makapaliis ed patey iray totoon maoges.

Maung a Balita Biblia

¹³ Anggapoy nigosianti ya andokey so pambilay to pian nabawi toy apirdi to, lapud ondapod balang sakey a too so pasnuk na Dios. Ag makapaliis ed patey iray totoon maoges.

Ezekiel 7:13 Referans Kwoze

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Ecclesiastes 8:8

Anggapoy toon makapaliis ed patey, odino makabaat ed isabi na agew na ipatey to. Sikato yay sakey a bakal ya ag tayo napaliisan; ag tayo nayarian ya ibatikan.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Say Libro nen Job 15:25

Onyay pansumpalan na toon ayagan toy poniti so Dios tan labanan toy Makapanyarin-amin.

Levitico 25:31

Balet saray abung ed saray barion ag pinaliberay padir et ipasen ira a singa alog; say gendat ya akankayaryan walay kanepegan ton manondon, tan saray abung nepeg ya ipawil ira no Taon na Panangipawil.

Ester 8:8

Balet say ganggan a nipaakseb ed ngaran na ari tan amarkaan na panagtimbri to et ag lan balut nabawi. Anggaman ontan, nayarian yoy mansulat ed saray Judio na antokaman a labay yo; nayarian yoy mansulat ed ngaran ko tan markaan yo na panagtimbrik.”

Levitico 25:13

Diad sayan taon amin a kayaryan ya inlako nepeg ya ipawil ira ed gendat ya akankayaryan.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Ezekiel 12:28

Kanyan ibagam ed sikara so sayan ibabagak, siak a Katawan a Dios: Anggapo la so nagawan abala. No anto so imbagak, sikato so nasumpal. Siak a Katawan a Dios so nansalita!”