Ezekiel 7:11 - Maung A Balita Biblia

¹¹ Say gewgew et mambubungay kaogsan. Anggapoy mansiansian kayaryan da, saray kayamanan da, kagalangan da, odino inkatalonggaring da.

Maung a Balita Biblia

¹¹ Say gewgew et mambubungay kaogsan. Anggapoy mansiansian kayaryan da, saray kayamanan da, kagalangan da, odino inkatalonggaring da.

Ezekiel 7:11 Referans Kwoze

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Ezekiel 7:23

“Agewgew ya amiy bengatla—pateyan ed amin a sokung na bansa tan napno na inkaruksa iray siudad.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Mikias 3:3

Sisiraen yo ray totook, lalakniten yoy baog da, tetemeken yoy pokel da, tan tetegtegen yoy laman da a singa karnin ikargad kaldiro.

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Amos 6:3

Ag yo birbiren ya onsasabi so agew na deral, balet say gagawaen yo papaganoen yoy isabi na saman ya agew.

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 5:4

Kayari to mangala kay daiset tan ibontuk mod apoy, tan paolyan mo ran ondalang. Manlapud saraya say apoy onkayat ed intiron bansa na Israel.”

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 22:18

Kanyan sirin, say Katawan kuanto nipaakar ed lakin anak nen Josias a si Joakim ya ari na Juda, “Anggapoy manermen ed ipatey to, odino mangikuan, ‘Agayla agik! Agayla! O pinablik ya ari!’ Anggapoy onakis ed sikato, odino oneyag, ‘Katawan ko! O kagalang kon arik!’

Jeremias 6:7

No panoy pansiasiansiay masamit a danum ed bobun, ontan met so pansiasiansiay kaogsan ed Jerusalem. Narerengelan koy inkaruksa tan panagderal ed dalem na siudad; sakit tan sugat iray nanenengneng ko.

Isaias 14:29

Totood Filistia, apoter so bastun ya amekpek ed sikayo, balet ag yo ya nepeg a panliketan. No ompatey so sakey ya oleg, onsalat so lalon maoges nen say sikato. Ompusnak so mantikyab a dragon ya iknul na oleg.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Saray Salmo 78:64

Inatey iray papari ra diad panamegley na ispada, tan ag naabuloyan a lamayan ira na kaasawaan da.

Saray Salmo 73:8

Elek-elekan da ray arum a totoo tan totongtongen day nipaakar ed kaogsan; mapaatagey ira tan iplaplano ray pamairap dad arum a totoo.

Saray Salmo 125:3

Ag magnayon a manoley ed dalin na saray totoon matonung iray totoon maoges; ta no magnayon so panoley da, nayarin manggawa met na kaogsan iray totoon matonung.

Ezekiel 8:17

Say Katawan inkuantod siak, “Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.

Ezekiel 45:9

Say Katawan a Dios kuanto, “Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.