Ezekiel 6:9 - Maung A Balita Biblia

⁹ a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Maung a Balita Biblia

⁹ a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Ezekiel 6:9 Referans Kwoze

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Isaias 7:13

Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

Saray Salmo 78:40

Naynay iran sinmumpad sikato diad kalawakan; amimpiga-pigan pinaermen da.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Zacarias 10:9

Anggaman ya intaytayak ko ra ed saray bansa, nanunotan da ak diman ed arawin lugar. Sikara tan saray anak da et makapaliis irad patey tan mambabansag iran ompawil ed bansa ra.

Ezekiel 20:7

Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Ezekiel 20:24

Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.

Jeremias 51:50

Say Katawan kuantod saray totoo ton walad Babilonia: “Apaliisan yoy patey! Laki la natan! Ag kayo la manaabala! Anggaman ya arawdawi kayod bansa yo, nudnunot yo ak a Katawan yo, tan say Jerusalem.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 16:43

Alingwanan moy impangasikasok ed sika nen ogaw ka ni, tan impanpasnuk mo ak lapud saray amin a ginagawam. Lapud saya siningil ta kad sarayan amin. Akin et inyarum moy marotak ya impipiakdul mod arum ed saray ginagawam a makapaingungot a bengatla?” Say Katawan a Dios so nansalita.

Amos 2:13

Et natan detdetan ta kayod dalin; manayay kayod satan, tan singa kayo kariton a napnoy trigo.

Saray Bilang 15:39

Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Saray Salmo 137:1

Diad gilig na saray ilog ed Babilonia inmiirung kami; mannangis kamin akanunot diman ed Sion.

2 Saray Arari 16:10

Nen linmad Damasco si Ari Acaz, ta abeten toy Impirador Tiglat-pileser, anengneng tod may altar. Impawit tod kinen Urias a pari so kinon altar a kaparpara tod amiamin imay altar ed Damasco.

Ezekiel 6:10

Naamtaan da a siak so Katawan tan saray pasakbay ko et aliwan andi-kakanaan iran taktakot.”

Ezekiel 16:61

Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Ezekiel 23:30

lapud maoges a kaliktan na laman mo tan lapud panagkaloguran mo. Marotak a bii so pasen mod saray bansa tan dinotakan moy sikan dili lapud saray talintaoy diriyos da.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Mikias 5:13

Deralen ko ray talintaoy diriyos yo tan saray masanton baton lusek yo; ag yo lad satan galangen iray bengatlan ginagawa yo.