Ezekiel 5:17 - Maung A Balita Biblia

¹⁷ Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Maung a Balita Biblia

¹⁷ Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.

Ezekiel 5:17 Referans Kwoze

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 14:15

“Nayarin mangibaki ak na saray ayayep ed katakelan a mamatey ed saray totoo, tan pagmaliwen dan maatap so dalin, kanyan anggapoy manakar-akar a too;

2 Saray Arari 17:25

Diad onona ran taon na impanayam dad man, ag da inggalang so Katawan, kanyan pigarad sikaray pinatey na lion ya imbaki na Katawan.

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Mateo 24:35

Naandipat so tawen tan dalin, balet ag balut naandipat iray salitak.”

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Ezekiel 30:12

Paekatan ko so Ilog na Nilo tan paoleyan kod saray maoges a totoo so Egipto. Deralen na saray sangkaili so intiron bansa. Siak a Katawan so nansalita.”

Ezekiel 26:14

Itilak ko labat so sakey a baton-dampay a pampaagewan na saray sumisigay na saray iket da. Ag lan balut napasimbalon nipaalagey so siudad na Tiro. Siak a Katawan a Dios so nansalita.”

Ezekiel 23:47

Patupak yo rad sarayan totoo, padogpaan yo ra na ispada, papatey yo ray anak da, tan papoolan yo ray kaabungan da.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Ezekiel 21:32

Naderal kayo ed apoy. Onterter ed dilim a bansa so dalam, tan anggapo lan balut so makanunot ed sika.’” Say Katawan so nansalita.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Ezekiel 17:24

Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.”

Ezekiel 17:21

Napatey ed bakal iray sankadonungan a sondalo to tan saray makapaliis ed patey et nikaykayat irad nandoroman pasen. Diad satan nakabatan yo a siak a Katawan so nansalita.”

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Ezekiel 6:12

Mansakit iray walad arawi, insan ira ompatey; saray walad asingger napatey irad bakal; saray ag napatey ed bakal ompatey irad eras. Nalikna ray amin a biskeg na pasnuk ko.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Jeremias 15:3

Siak, say Katawan, ginetmak lan apatiran makapasinagem a segsegang so ondalan ed sikara: napatey ira; bingbingkasen na saray aso iray bangkay da; kanen na saray manok iray bangkay da, tan buagen na saray ayayep ed katakelan iray nakeraan.

Exodo 23:29

Ag ko ra pagiten ed loob na sakey taon; no pagiten ko rad loob na sakey taon, say dalin magmaliw a begtebegtew tan saray ayayep ed takel et ondakerakel iran onlaban ed sikayo.

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Ezekiel 5:16

Patondaen koy pangitolur na kakanen ed sikayo pian naerasan kayo. Nalikna yo so sulit na eras a singa panan nibolus a maneral ed sikayo.

Ezekiel 6:1

Say Katawan akisalitad siak.

Ezekiel 28:23

Mangipadalan ak na salut ed sika tan paagosen kod saray dalan mo so dala. Nadogpaan kad anggan anton dapag, tan napatey iray totoom. Diad satan naamtaan mo a siak so Katawan.”