Ezekiel 5:14 - Maung A Balita Biblia

¹⁴ Balawen tan arawian kayo na balang sakey ya ondalan a toon taga saray bansan walad kaliber-liber yo.

Maung a Balita Biblia

¹⁴ Balawen tan arawian kayo na balang sakey ya ondalan a toon taga saray bansan walad kaliber-liber yo.

Ezekiel 5:14 Referans Kwoze

Ezekiel 22:4

Nankasalanan kad saraman ya impanpapatey mo tan adotakan ka lapud saraman a talintaon ginagawam, kanyan onsasabi lay agew mo, sinmabi lay panaon mo! Lapud saya inabuloyan kon ludlureyen tan balbalawen ka na amin a bansa.

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Jeremias 42:18

“Say Katawan a Dios na Israel kuanto, ‘No panoy impamasnuk kod saray totood Jerusalem, ontan met so pamasnuk kod sikayo, no onla kayod Egipto. Magmaliw kayon makapagiwgiw a nengnengen; ludlureyen kayo na saray totoo tan ikana ray ngaran yo a sakey a samba. Ag yo lan balut nanengneng yan pasen.’”

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Jeremias 23:40

Ipelag ko rad andi-anggaan a kababaingan tan kabandayan ya ag balut nalingwanan.”

Ezekiel 6:6

Naderal ya amin iray siudad na Israel, pian natemek-temek ya amin iray altar tan saray talintao ra, namisimisi iray altar dan panagpoolay insinso, tan naandipat ya amin iray ginagawa ra.

Ezekiel 12:20

Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.”

Ezekiel 16:57

tan kasakbayan na inkiparontal na kaogsan mo? Natan nagmaliw kan singa sikato—sikay lelemlemewen na saray Edomita, saray Filisteo, tan saray arum a kakaabay mon mamobusol ed sika.

Ezekiel 23:32

Say Katawan a Dios kuanto, “Oninom ka ed kupa nen atsim; baleg tan aralem so kupa to. Balawen tan lureyen ka na balang sakey;

Ezekiel 33:28

Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Ezekiel 36:34

Saray ondadalan nen saman ed saray alog yo et anengneng dan apaolyan tan matakel la ra, balet padalusan ko rad sikayo lamet.