Ezekiel 5:12 - Maung A Balita Biblia

¹² Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Maung a Balita Biblia

¹² Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Ezekiel 5:12 Referans Kwoze

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Ezekiel 12:14

Itaytayak kod anggan iner a pasen iray opisyal to tan saray sumisimbawa to tan saray umaantabay to, insan saray totoo anapen da ran pateyen.

Jeremias 21:9

Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Amos 9:4

No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.”

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Ezekiel 5:17

Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Jeremias 13:24

Say Katawan ikaykayat to kayon singa taep ya itiktikyab na dagem a manlalapud kabueran.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Ezekiel 36:19

Sinintinsiaan ko ray dusa lapud maoges so impanbilay da tan saray ginagawa ra, kanyan inkaykayat ko rad nandoroman bansa.

Amos 9:9

“Mangganggan ak, et nayegyeg iray totood Israel a singa kayakayak na belas ed yakayakan. Yakayaken ko rad saray bansa, ta ekalen ko ray amin ya andi-kakanaan.

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Jeremias 9:15

Kanyan dengel kad ibagak a gawaen ko, siak a Makapanyarin-amin a Katawan, say Dios na Israel. Itdan ko ray totook na saray ampait a tanaman a kanen da. Itdan ko met iray makasamal a danum ya inomen da.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Ezekiel 7:3

“Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 16:42

Diad satan onkepa lay pasnuk ko tan mandeen ak la. Ag ak la mampasnuk odino mangimon.

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.