Ezekiel 5:10 - Maung A Balita Biblia

¹⁰ Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Maung a Balita Biblia

¹⁰ Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Ezekiel 5:10 Referans Kwoze

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Ezekiel 12:14

Itaytayak kod anggan iner a pasen iray opisyal to tan saray sumisimbawa to tan saray umaantabay to, insan saray totoo anapen da ran pateyen.

Jeremias 19:9

Lakoben na saray kalaban da yan siudad tan pateyen da ray totoo to. Makapasinagem a tuloy yan panlakob, kanyan saray totoo kanen da ray anggan anak da tan manaakanan ira.”

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Ezekiel 36:19

Sinintinsiaan ko ray dusa lapud maoges so impanbilay da tan saray ginagawa ra, kanyan inkaykayat ko rad nandoroman bansa.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Saray Salmo 44:11

Inabuloyan mon pinatas da kamin singa karniro; imbuybuyak mo kamid saray arum a bansa.

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Amos 9:9

“Mangganggan ak, et nayegyeg iray totood Israel a singa kayakayak na belas ed yakayakan. Yakayaken ko rad saray bansa, ta ekalen ko ray amin ya andi-kakanaan.

Ezekiel 22:15

Ikayat kod nandoroman bansa iray totoom tan patondaen ko ray maoges a gawgawam.

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Ezekiel 20:23

Kanyan walay sananey a sinambaan kod man ed kalawakan. Sinambaan kon ikayat ira ed nandoroman bansa ed intiron mundo.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Jeremias 44:12

Andi-saew a deralen kon amin iray akeraan a totood Juda tan talagan labay day manayam ed Egipto. Amin da, abeba may atagey so kipapasen, ompatey irad bakal odino eras diad Egipto. Magmaliw iran makapagiwgiw a nengnengen; ludlureyen ira na saray totoo tan ikana ray ngaran da a sakey a samba.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Nehemias 1:8

Nunot mo pa may inkuanmod kinen Moises: ‘No aliwa kayon matoor ed siak, sikayon totood Israel, itaytayak ta kayod arum a bansa.

2 Saray Arari 6:29

Kanyan inluto miy lakin anak ko tan kinan mi. Diad ontombuk ya agew imbagak ed sikaton kanen miy lakin anak to, balet inyamut to!”

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Jeremias 49:32

“Ala yo ray kamilyo ra tan amin a baka ra! Ikayat kod nandoroman pasen ira tay totoon nampapotut na antikey tan iyakar kod sikaray deral a manlapud kaliber-liber da.

Jeremias 49:36

Manlapud amin a dapag pasiplugen koy dagem sumpad Elam, tan nikaykayat ed nandoroman pasen iray totoo to, anggad anggapoy bansan ag da abatikan.

Saray Tagleey 4:3

Papasusoen na anggan inan asod katakelan iray anak da, balet singa saray abistrus ed kalawakan a maruksa rad sibong da iray totook.

Ezekiel 17:21

Napatey ed bakal iray sankadonungan a sondalo to tan saray makapaliis ed patey et nikaykayat irad nandoroman pasen. Diad satan nakabatan yo a siak a Katawan so nansalita.”

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Ezekiel 12:15

“No itaytayak ko rad saray arum a bansa, nakabatan da a siak so Katawan.

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.