Ezekiel 47:16 - Maung A Balita Biblia

¹⁶ ontuloy ya anggad saray siudad na Berota tan Sibraim (wala ra ya ed nanleetan na dalin na nanarian na Damasco tan say nanarian na Hamat), tan ontuloy ya anggad siudad na Ticon (wala ya ed abay na ketegan na nanarian na Hauran.)

Maung a Balita Biblia

¹⁶ ontuloy ya anggad saray siudad na Berota tan Sibraim (wala ra ya ed nanleetan na dalin na nanarian na Damasco tan say nanarian na Hamat), tan ontuloy ya anggad siudad na Ticon (wala ya ed abay na ketegan na nanarian na Hauran).

Ezekiel 47:16 Referans Kwoze

Ezekiel 48:1

Say ketegan ed bandad baybay na dalin et mampabokig a manlapud Dayat na Mediteraneo ya anggad siudad na Hetlon, anggad Dalan na Hamat, anggad Siudad na Enon, anggad ketegan diad nanleetan na nanarian na Damasco tan Hamat. Kapag tribu mangawat na sakey a parti na dalin ya onlaknab a manlapud ketegan ed bokig ya anggad sagur a nasabi toy Dayat na Mediteraneo. Saraya so mantotombukan a mangawat manlapud baybay ya anggad abalaten: Dan, Aser, Neftali, Manases, Efraim, Ruben, tan Juda.

2 Samuel 8:8

Amayamay met so nala ton gansa ed Beta tan Berotai, saray siudad ya ooleyan nen Hadadezer.

Saray Bilang 13:21

Kanyan saramay lalaki amaarap irad baybay tan ninengneng da may dalin manlapud kalawakan na Zin diad abalaten ya anggad Rehob ya abay na Dalan na Hamat diad baybay.

Zacarias 9:2

Kayaryan met na Katawan so Hamat a miketeg ed Hadrac, saray siudad na Tiro tan Sidon pati saray karunongan da.

Genesis 14:15

Kasabi tod man, impankadwa to ray totoo to, dinogpaan dad labi iray kalaban da tan tinalo da ra. Inosilan to ran anggad Hoba a walad baybay na Damasco,

Saray Gawgawa 9:2

tan kinmerew na saray sulat a para saray sinagogad Damasco, pian no makalmod man na saray mananombuk ed Dalan et naerel to ra—bibii man o lalaki—tan niakar to rad Jerusalem.

Amos 6:14

Say Katawan a Dios a Makapanyarin-amin kuanto, “Totood Israel, mangyakar ak na saray sondalod arum a bansa a manakop ed bansa yo. Pairapen da kayo manlapud Dalan a Hamat diad baybay ya anggad Kolus na Araba diad abalaten.”

Ezekiel 47:17

Ontan sirin, say ketegan ed bandad baybay et mampabokig a manlapud Mediteraneo ya anggad Siudad na Enon, a saray ketegan a dalin et say Damasco tan say Hamat ya anggad baybay to.

1 Saray Awaran 18:5

Nen saray taga Siria a walad Damasco et angibaki ra na saray sondalon ontulong ed Ari Hadadezer, dinogpaan ira nen David tan pinatey toy duamplo tan duan libon lalaki.

1 Saray Arari 8:65

Pitoy agew, diad Timplo a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totoo a nanlapud nandoroman pasen, manlapud dalan a tatawagey Hamat diad baybay ya anggad ketegay Egipto diad abalaten.

Saray Bilang 34:8

tan manlapud man mamaarap ya anggad Dalan na Hamat. Ontuloy ed Zedad

Isaias 10:9

Adakep ko ray siudad na Calno tan Carkemis, saray siudad na Hamat tan Arpad. Adakep koy Samaria tan Damasco.

Ezekiel 27:18

Saray taga Damasco et imbayar dad saray lakom tan saray bunga na saray tanaman mo, iray alak a nanlapud Helbon tan say abel a lana a nanlapud Sahar. Insumbat dad saray bengatlan lakom iray kagawaan a balatyang tan saray rikado.

Ezekiel 47:18

“Say ketegan ed bokig et mampaabalaten a manlapud sakey a tanda a walad nanleetan na dalin na Damasco tan say dalin na Hauran, tan say Ilog na Jordan so ketegan ed nanleetan na dalin na Israel diad sagur tan say dalin na Galaad diad bokig, ya anggad Tamar diad Inatey a Dayat.

Ezekiel 47:20

“Say ketegan ed sagur et say dayat na Mediteraneo tan mampabaybay ya anggad sakey a tanda diad sagur na Dalan na Hamat.