Ezekiel 47:1 - Maung A Balita Biblia

¹ Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Maung a Balita Biblia

¹ Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Ezekiel 47:1 Referans Kwoze

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Zacarias 14:8

No onsabi tan ya agew, onagos so masamit a danum a manlapud Jerusalem, say kapaldua onagos ed Inatey a Dayat tan say kapaldua diad dayat Mediteraneo. Ag ontonday panagos to, nepnep may tiagew.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Saray Salmo 46:4

Walay ilog a mangiiter na gayaga ed siudad na Dios, diad masanton ayaman na Sankatageyan.

Ezekiel 47:12

Diad nantopag a pandel na kolus ontubon amin iray klasiy kiew a maniter na tagano. Ag balut nalenes iray bolung da, tan ag iran balut ontondan mambunga. Binolan iran maniter na kapamborbor a bunga, lapud nasasalog ira na managagos a danum a manlalapud Timplo. Maniter na tagano iray may kakiewan, tan nikanan tambal na totoo iray bolung da.”

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Ezekiel 41:2

tan limaran mitro so kaawang to. Duaran mitro so kapal na nantopag a padir to. Sinukat to may kuarto: duamplo tan sakey a mitro so karokey to tan samplora tan kapalduan mitro so kaawang to.

Isaias 30:25

Diad agew a nadakep iray tirinsira na saray kalaban yo tan napatey iray totoo ra, onagos iray sobul a manlapud balang palandey tan balang pokdul.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Ezekiel 46:24

Samay too kuantod siak, “Sikara yay kusina a panlambungan na saray katulong ed Timplo na saray bagat ya isasaklang na saray totoo.”

Ezekiel 47:2

Samay laki indalan to ak ed puirtad baybay diad impangipaway tod siak ed Timplo tan inliber to ak ya anggad puirtan akaarap ed bokig. Walad may melag a kolus a managagos ya ompapaway ed nisagur a dapag na puirta.

Zacarias 14:4

Diad satan a panaon sikatoy manalagey ed Palandey na Kaolibaan, a mamaarap ed bokig na Jerusalem. Insan napaldua na maawang a patar imay Palandey na Kaolibaan manlapud bokig ya anggad sagur. Say kapaldua na palandey ondere ed bandad baybay tan say kapaldua ondere ed bandad abalaten.

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Saray Salmo 87:7

Onsasayaw tan ikakanta ra, “Diad Sion so panlalapwan na amin a bindision tayo.”

Ezekiel 40:6

Insan linmad dalan na puirtan akaarap ed bokig. Amaatagey a tinmakayan, tan diad toktok sinukat to so lolooban; taloran mitro so kaaralem to.