Ezekiel 46:18 - Maung A Balita Biblia

¹⁸ Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.”

Maung a Balita Biblia

¹⁸ Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.

Ezekiel 46:18 Referans Kwoze

Ezekiel 45:8

Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

1 Saray Arari 21:19

Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

TAGA-EFESO 4:8

Onung na ibabagay Masanton Sulat, “Nen inmatagey ed katagtageyan angawit na saray priso; tan angiter na langkap ed katoowan.”

Juan 10:28

Iitdan ko ray bilay ya andi-anggaan. Ag iran balut nabalang tan ag iran balut nasamsam ed siak na anggan siopa.

Ezekiel 34:21

Impapaliis yo ray mansasakit tan binubuno yo ran pinaarawid poluk.

Saray Salmo 78:72

Nilingwanan nen David so sikaton dili diad impangasikaso tod sikara, tan maabig so impangiwanwan to.

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

1 Samuel 8:14

Alaen to ray sankaabigan ya kaalogan yo, saray kaubasan yo, tan saray kaolibaan yo, insan to ra iter ed saray opisyal to.

1 Saray Arari 21:3

“Tinawir ko yan kaubasan ed saray lalakik,” ebat nen Nabot. “Ag iyabuloy na Katawan ya iter kod sika!”