Ezekiel 46:15 - Maung A Balita Biblia

¹⁵ Say kordiro, say arina, tan say larak na oliba et nepeg ya ibagat ira ed Katawan kapag kabwasan diad anggad angga.”

Maung a Balita Biblia

¹⁵ Say kordiro, say arina, tan say larak na oliba et nepeg ya ibagat ira ed Katawan kapag kabwasan diad anggad angga.

Ezekiel 46:15 Referans Kwoze

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

Saray Bilang 28:6

Sikatoy inagew-agew a bagat a poolan, inmonan nibagat a popoolan diad Palandey na Sinai, tan makapaliket ed Katawan so balingit to.

Exodo 29:42

Diad amin a panaon ya onsabi, sayan bagat a popoolan et nepeg ya ibagat ed arap ko diad lolooban na Tuldan Ayamay Katawan. Diman ak miabetan ed saray totoo tan mitongtong ak ed sika.

Exodo 29:38

“Inagew-agew ed anggan kapigan a panaon, mangibagat kayo na duaran kordiro ya ataonan la.