Ezekiel 46:1 - Maung A Balita Biblia

¹ Say Katawan a Dios kuanto, “Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.

Maung a Balita Biblia

¹ Say Katawan a Dios kuanto, Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.

Ezekiel 46:1 Referans Kwoze

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Exodo 20:9

Anem agew a makapankimey ka,

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, “Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!”

Ezekiel 46:6

Diad Pista na Balon Bulan sikatoy mangibagat na sakey a kilaw na bakan kalakyan, anemiran kordiro, tan sakey a karniron kalakyan, ya amin da et anggapon balut so dotak na laman da.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

1 Saray Awaran 9:18

Manlapud saman a panaon saray kabyangay boleg da nipasen ira ed bokig na lolooban a tatawagey Puirtay Ari. Nen saman guardia ra ed saray puirta da ray kampo na saray Levita.

Ezekiel 10:3

Nen linmoob manalalagey ed niabalaten na Timplo ira may pinalsa, insan pinano na lorem imay patiod dalem.

Ezekiel 40:19

Walay dalan na puirta ed niatagey a pasen a mamaarap ed patio ed dalem. Sinukat na samay laki so karokey na nanleetan na saramay duaran dalan na puirta, et limamplo tan duan mitro so karokey to.

Ezekiel 43:1

Samay laki inyakar to ak ed puirtan akaarap ed bokig,

Ezekiel 46:3

Kapag Agew na Panagpainawa tan kapag Pista na Balon Bulan amin da ray totoo et nepeg ya ontewek ira met tan igalang day Katawan diad arap na samay puirta.

Ezekiel 46:12

“No say manoley a prinsipi et mabolus a mangisaklang ed Katawan na bagat a popoolan odino bagat a para kareenan, say puirtad bandad bokig ya ompogtad patiod dalem et nilokas a para sikato. Say pangibagat to et nepeg a singa panangibagat to no Agew na Panagpainawa, tan nepeg ya ikaput so puirta no kapaway to.”