Ezekiel 45:8 - Maung A Balita Biblia

⁸ Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.

Maung a Balita Biblia

⁸ Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.

Ezekiel 45:8 Referans Kwoze

Ezekiel 46:18

Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.”

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Ezekiel 19:7

Nililingkay to ray tirinsira, dinederal to ray baley. Kapag mangwam natatakot la ray katoowan ed dalin.

Ezekiel 19:3

Pinabaleg toy sakey ya anak to, tan binangatan ton mananup; nagmaliw yan anak to a managsiray too.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?

Josue 19:49

Nen kayarin inapag-apag na saray totood Israel so dalin, initdan day Josue a lakin anak nen Nun na sakey a parti na dalin.

Ezekiel 22:6

Amin da ray pangulo na Israel et manmamatalek irad dilin biskeg da tan mampapatey iray totoo.