Ezekiel 45:4 - Maung A Balita Biblia

⁴ Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.

Maung a Balita Biblia

⁴ Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.

Ezekiel 45:4 Referans Kwoze

Ezekiel 43:19

Saray papari labat a kabyangan na tribu nen Levi a say sengeg da et si Sadoc so onlad kawalaan ko a manlingkur ed siak. Siak a Katawan a Dios so nangganggan ed saya. Itdan mo ra na sakey a kilaw a bakan kalakyan ya isaklang dan bagat a para kasalanan.

Ezekiel 40:45

Imbagad siak na samay laki a samay kuarton akaarap ed abalaten et para saray paparin manlilingkur ed Timplo,

Saray Bilang 16:5

Insan inkuantod kinen Core tan saramay kagampi to, “Nabwas na kabwasan say Katawan ipanengneng tod sikatayo no siopa ray kayaryan to; abuloyan to so siopaman a kayaryan to, salanti say pinili to, ya onsingger ed sikato ed altar.

Ezekiel 45:1

No apag-apagen so dalin tan iter ed balang tribu so betang to, say sakey a parti et nepeg ya isaklang ed Katawan. Nepeg a labinduan kilomitro so karokey to, tan samploran kilomitro so kaawang to. Magmaliw a masanto yan intiron pasen.

Ezekiel 44:28

“Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.

Ezekiel 40:46

tan samay kuarton akaarap ed baybay et para saray paparin manlilingkur ed altar. Si Sadoc so sengeg na amin da ray papari; sikara labat so kabyangay tribu nen Levi a naabuloyan ya onlad kawalaan na Katawan, ta manlingkur irad sikato.

Ezekiel 45:3

Say kapaldua na sayan pasen a labinduan kilomitro so karokey to tan limaran kilomitro so kaawang to et sukaten ya ibiig; nipaalagey dia so Timplo, say sankasantosan ed amin day pasen.

Ezekiel 48:8

Say onsoblay a parti na dalin et ibiig a nidoma-domay pangikanaan. Labinduan kilomitro so kaawang to manlapud baybay ya anggad abalaten, tan say karokey ton manlapud bokig ya anggad sagur et singa karokey na niiter ed balang tribu. Nipaalagey ed sayan parti so Timplo.