Ezekiel 44:5 - Maung A Balita Biblia

⁵ et say Katawan kuantod siak, “Sika a toon ompatey, apiger mon imanoen ya amin iray nanenengneng tan narerengel mo. Ibagak ed sika iray totontonen tan saray ganggan a nipaakar ed Timplo. Apiger mon tandaan no siopa ray totoon nayarin onloob tan ompaway ed Timplo, tan ontan met no siopa ray ag naabuloyan ya onloob.

Maung a Balita Biblia

⁵ et say Katawan kuantod siak, Sika a toon ompatey, apiger mon imanoen ya amin iray nanenengneng tan narerengel mo. Ibagak ed sika iray totontonen tan saray ganggan a nipaakar ed Timplo. Apiger mon tandaan no siopa ray totoon nayarin onloob tan ompaway ed Timplo, tan ontan met no siopa ray ag naabuloyan ya onloob.

Ezekiel 44:5 Referans Kwoze

Ezekiel 40:4

Inkuantod siak, “Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.”

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Daniel 10:12

Insan inkuanto, “Daniel, ag ka natatakot. Dinengel na Dios so pikakasim nanlapu lad samay ononan agew na impanpaabebam, pian nawalaan kay maung a pakatalus. Ebat na pikakasim so inyakar ko dia.

Probirbio 24:32

Ninengneng ko ya, dinalepdep ko, tan saya so naaralan ko:

Saray Salmo 119:4

Katawan inter mod sikami ray ganggan mo, tan imbagam a matoor mi ran onuren.

2 Saray Awaran 11:16

Saray totood amin a tribu na Israel a masimoon so panlabay da a mangigalang ed Katawan, say Dios na Israel, et tinombuk dad Jerusalem iray Levita pian makapangibagat irad Katawan, say Dios na saray lalaki ra.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

Exodo 9:21

Ag insingansingan na saray arum imay pasakbay na Katawan tan pinaolyan dad paway na abung iray aripen da tan saray ayayep da.

Ezekiel 42:9

Diad leksab na sarayan kuarto ed nibokig a samput na paalagey, ya angigapwan na padir na patio, walay lolooban ya ompogtad samay patiod paway. Diad abalaten na Timplo walay paalagey a miparparad paalagey a walad baybay, tan ag arawi ed samay paalagey ed nisagur a samput na Timplo.

Ezekiel 46:19

Insan samay laki inyakar to ak ed lolooban na saray kuarto ya akaarap ed baybay diad asingger ed puirtad bandad abalaten a dapag na patiod dalem. Sikara yay masanton kuarto a para saray papari. Intoro toy sakey a pasen diad nisagur a dapag na saramay kuarto

Ezekiel 47:6

Inkuantod siak imay too, “Sika a toon ompatey, apiger mon imanoen ira yan amin.” Insan samay laki impawil to ak ed samay gilig na ilog,

Saray Salmo 24:3

Siopay manepeg ya onkalab ed palandey na Katawan? Siopay nayarin onloob ed masanton Timplo to?