Ezekiel 44:31 - Maung A Balita Biblia

³¹ Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.”

Maung a Balita Biblia

³¹ Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.

Ezekiel 44:31 Referans Kwoze

Levitico 22:8

Ag to nepeg a kanen so karni na dinan man ya ayep ya inatey a bukor odino pinatey na saray ayep ed takel; sayan karni et makarotak ed sikato. Siak so Katawan.

Exodo 22:31

“Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

1 CORINTO 8:13

Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Levitico 17:15

Siopaman a too, Israelita man odino sangkaili, a mangan na karni na ayep ya inatey a bukor odino pinatey na ayep ed takel et nepeg ya ipesak toy kawes to, manames, tan manalagar ya anggad labi kasakbayan a magmaliw a malinis onung ed ganggan.

Levitico 11:40

No walay mangan na anggan dinan a parti na samay inatey ya ayep, nepeg ton ipesak so kawes to, balet sikato niy marotak ya anggad labi; siopamay manawit na inatey ya ayep nepeg ya ipesak toy kawes to, balet sikato niy marotak ya anggad labi.