Ezekiel 44:28 - Maung A Balita Biblia

²⁸ “Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.

Maung a Balita Biblia

²⁸ Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.

Ezekiel 44:28 Referans Kwoze

Josue 13:33

Balet anggapoy dalin ya impabetang nen Moises ed tribu nen Levi. Imbaga tod sikara a say betang da et say apag da ed saray bagat ed Katawan a Dios na Israel.

Saray Bilang 18:20

Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Deuteronomio 10:9

Sikato yay makasengeg a say tribu nen Levi et ag ira angawat na parti na dalin ya aliwan singa saray arum a tribu; say inawat da et samay pankanawnawa ran manlingkur ed Katawan, onung na insipan na Katawan a Dios yo.)

Ezekiel 45:4

Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.

Josue 13:14

Si Moises ag to initdan na dalin so tribu nen Levi. Onung na imbaga na Katawan ed kinen Moises, say betang na saray Levita et say apag da ed saray bagat a popoolan ed altar na Katawan a Dios na Israel.