Ezekiel 44:21 - Maung A Balita Biblia

²¹ Nepeg ya ag oninom na alak iray papari kasakbayan na iloob dad patiod dalem.

Maung a Balita Biblia

²¹ Nepeg ya ag oninom na alak iray papari kasakbayan na iloob dad patiod dalem.

Ezekiel 44:21 Referans Kwoze

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

1 Timoteo 5:23

Aliwan danum labat so inomen mo; inom ka met na daiset ya alak, ta makatulong yad panonaw na kakanen mo tan say naynay a pansasakit mo.

1 Timoteo 3:8

Ontan met, nakaukolan a saray mananulong ed iglisia et maung so ogali ra, matoor ed saray salita ra, aliwa ran buanges, tan aliwa ran maagom.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

Ezekiel 44:22

Ag ira nepeg a mangasawa na insian a bii; say birhin ya Israelita labat so asawaen da odino say balo na sananey a pari.