Ezekiel 44:16 - Maung A Balita Biblia

¹⁶ Sikara labat so onloob ed Timplok, manlingkur ed altar ko, tan mangipangulo na panangingalang diad Timplo.

Maung a Balita Biblia

¹⁶ Sikara labat so onloob ed Timplok, manlingkur ed altar ko, tan mangipangulo na panangingalang diad Timplo.

Ezekiel 44:16 Referans Kwoze

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

Malakias 1:12

Balet ag yo ak papagalangan nen kuanyo ya andi-kakanaan so altar ko tan isasaklang yod altar ko so ag yo labalabay a kakanen.

Malakias 1:7

Onyay pamabalaw yod siak—mangibabagat kayoy andi-kakanaan a kakanen ed altar ko. Insan tetepeten yo, panoy ag mi impamagalang ed sika? Ibagak ed sikayo—diad ag yo pangingalngalep ed altar ko.

Saray Bilang 18:5

Sika tan saray anak mo labat so manggawa na saray kimey ed Masanton Pasen tan diad altar, pian ag lamet onterak so pasnuk kod saray Israelita.

Puyan 1:6

Ginawa to tayo met a sakey a panarian tan impagmaliw to tayon papari a manlingkur ed Dios tan Ama to. Say galang tan pakayari so wala ya anggad angga ed Jesu-Cristo! Amen.

Ezekiel 23:41

Inmirung irad balibalin kotsun, tan diad arap da walay lamisaan a napno na maabig a bengatla, a pati samay insinso tan larak na oliba ya inter kod sikara.

Saray Bilang 16:9

Leleglemewen yo so impangibiig ed sikayo na Dios na Israel ed saray arum ya Israelita, pian makaasingger kayod sikato, nagawaan yoy kimey yo ed Tuldan Ayamay Katawan, tan makapanlingkur kayo ed saray katoowan?

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.