Ezekiel 44:10 - Maung A Balita Biblia

¹⁰ Say Katawan kuantod siak, “Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Maung a Balita Biblia

¹⁰ Say Katawan kuantod siak, Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Ezekiel 44:10 Referans Kwoze

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Ezekiel 22:26

Susumlangen na saray papari so ganggan ko tan dodotakan da so antokaman a masanto. Ag da pandodomaen so masanto tan say aliwan masanto. Ag da ibabangat so pandomaan na bengatlan malinis tan say aliwan malinis, tan anggapoy walad sikara so Agew na Panagpainawa. Lapud saya, ag ak papagalangan na saray totood Israel.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Saray Salmo 38:4

Onlelereg ak ed karakel na kasalanan ko; nadedetdetan ak lapud ontan lay belat da.

Nehemias 9:34

Saray lalaki mi, saray arari mi, saray pangulo mi, tan saray papari mi, et ag da inonur so Ganggan mo. Ag da dinengel iray ganggan mo tan saray pasakbay mo.

Saray Bilang 18:23

Manlapud natan saray Levita labat so manasikaso ed Tulda; sikaray makaoley ed saya tan ebatan day amin a nagawad man. Sayan totontonen et nepeg ya onuren lawas na saray kabyangay boleg yo. Saray Levita et anggapoy mansiansian kayaryan da ed Israel,

Saray Bilang 5:31

Anggapoy kasalanan na asawan laki, balet no nankasalanan imay bii, nepeg a nadusa.

Levitico 19:8

Siopamay mangan ed nakeraan a karni mankasalanan lapud panleglemew tod bengatlan masanto, tan ag la nibilang a sakey ed saray totook.

Genesis 4:13

Inkuanen Cain ed Katawan, “Ambelat a tuloy yan dusa; ag ko nasungdoan.

Ezekiel 14:11

Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da.” Say Katawan a Dios so nansalita.

Ezekiel 44:12

Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.

Malakias 2:8

“Balet natan, inmarawi kayo ed tuan dalan, sikayo ran papari. Inggolo na bangat yo a nanggagaway kaogsan iray amayamay a totoo.

Probirbio 11:31

No natumangan diad tapew na dalin iray totoon matonung, andi-saew a nadusa iray totoon maoges tan makasalanan.

Oseas 4:9

Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.