Ezekiel 43:9 - Maung A Balita Biblia

⁹ Natan nepeg a tondaan da lay pangigagalang dad arum a diriyos tan ekalen da la ray bangkay na arari ra. No ontoluk ira, anggad anggan kaibak ira ed ayaman ko.”

Maung a Balita Biblia

⁹ Natan nepeg a tondaan da lay pangigagalang dad arum a diriyos tan ekalen da la ray bangkay na arari ra. No ontoluk ira, anggad anggan kaibak ira ed ayaman ko.

Ezekiel 43:9 Referans Kwoze

Ezekiel 43:7

“Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Exodo 29:45

Manayam ak ed kawalaan na saray Israelita tan siak so Dios da.

1 Saray Arari 8:13

Amaalagey ak na marakerakep a Timplon para sika, sakey a pasen a panayaman mo diad ando lan ando.”

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.