Ezekiel 43:27 - Maung A Balita Biblia

²⁷ Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.”

Maung a Balita Biblia

²⁷ Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.

Ezekiel 43:27 Referans Kwoze

Levitico 9:1

Diad ontombuk ya agew kayari na samay sirimonya na panangikonsagra, si Moises tinawag toy Aaron tan saray anak ton lalaki tan saray pangulo na Israel.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Levitico 17:5

Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

Levitico 3:1

No say sakey a too et mangisaklang ed Katawan na bagat a para kareenan tan sakey ed saray baka to so ibagat to, nepeg a sakey a kalakyan odino kabatyan ya anggapoy deral na laman to.

Ezekiel 43:26

Diad loob na pitoran agew saray papari isaklang dad Dios so altar tan iparaan da pian nikana la.

Ezekiel 45:17

Kanepegan na prinsipi so mangiter na saray ayayep ya isaklang a bagat a popoolan, saray trigon ibagat, tan saray alak ya ibagat a para intiron bansa na Israel no Pista na Balon Bulan, no Agew na Panagpainawa, tan no arum iran pista. Sikatoy nepeg a mangiter na saray bagat a para kasalanan, saray bagat a trigo, saray bagat a popoolan, tan saray bagat a para kareenan, a mangekal na saray kasalanan da ray totood Israel.”

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”