Ezekiel 43:22 - Maung A Balita Biblia

²² Diad ontombuk ya agew nepeg moy mangala na sakey a kanding a kalakyan ya anggapon balut so deral na laman to, insan mo isaklang a bagat a para kasalanan. Linisan moy altar diad panamegley na dala to a singa samay ginawam ed bakan kalakyan.

Maung a Balita Biblia

²² Diad ontombuk ya agew nepeg moy mangala na sakey a kanding a kalakyan ya anggapon balut so deral na laman to, insan mo isaklang a bagat a para kasalanan. Linisan moy altar diad panamegley na dala to a singa samay ginawam ed bakan kalakyan.

Ezekiel 43:22 Referans Kwoze

Ezekiel 43:20

Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 16:18

nepeg ya ompaway ya onlad altar a panagpoolan na saray bagat, ta linisan to. Nepeg a mangawit na daiset a dala to may bakan kalakyan tan daiset a dala to may kanding tan iporanis to ra ed saray pinagkasaklur na saray suyok na altar.

Ezekiel 45:18

Say Katawan a Dios kuanto, “No ononan agew na ononan bulan, nepeg a mangibagat kayo na bakan kalakyan ya anggapon balut so deral na laman to tan linisan yo so Timplo.

Levitico 4:23

tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.