Ezekiel 43:20 - Maung A Balita Biblia

²⁰ Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.

Maung a Balita Biblia

²⁰ Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.

Ezekiel 43:20 Referans Kwoze

Levitico 16:19

Diad panamegley na tamoro to nepeg a mamimpito ton walsikan so tapew na altar. Diad onya, nalinisan to may altar ed saray kasalanan da ray totood Israel tan napasanto to.

Levitico 8:15

Pinatey nen Moises imay baka tan inala to na dala. Insan diad panamegley na tamoro to pinoporanisan to na dala iray pinagkasaklur ed saray soyuk na altar pian nisaklang to. Kayari to ya, inibung tod leksab na altar so keran dala. Diad onya insaklang to tan nilinisan to onung ed ganggan.

Ezekiel 43:26

Diad loob na pitoran agew saray papari isaklang dad Dios so altar tan iparaan da pian nikana la.

Ezekiel 43:22

Diad ontombuk ya agew nepeg moy mangala na sakey a kanding a kalakyan ya anggapon balut so deral na laman to, insan mo isaklang a bagat a para kasalanan. Linisan moy altar diad panamegley na dala to a singa samay ginawam ed bakan kalakyan.

Levitico 9:9

Saramay anak to inyakar dad sikato so dala, indelnet tod samay dala so tamoro to, pinoranisan to may pinagkasaklur ed saray suyok na altar, tan inibung tod leksab na altar so keran dala.

Exodo 29:36

Inagew-agew a nepeg mon ibagat so sakey a karniron kalakyan, pian napaandi so kasalanan; saya et linisan to so altar. Insan mo lanaan na larak na oliba, pian napasanto.

Exodo 29:12

Mangala kay daiset a dala na bakan kalakyan tan diad panamegley na tamorom iponaris mod saramay pinagkasaklur na altar. Say keran dala ikalbom ed leksab na altar.

Levitico 4:34

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray soyuk na altar a panagpoolan na saray bagat, tan iyibung tod leksab na altar so kerad samay dala.

Levitico 4:30

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 4:25

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 16:18

nepeg ya ompaway ya onlad altar a panagpoolan na saray bagat, ta linisan to. Nepeg a mangawit na daiset a dala to may bakan kalakyan tan daiset a dala to may kanding tan iporanis to ra ed saray pinagkasaklur na saray suyok na altar.

Ezekiel 43:14

Say sankaabebaan a parti na altar, manlapud tapew na sengeg et apataplo tan walon pulgada so kaatagey to. Say kumadwan parti et nilira ed duamplon pulgada diad liber-liber na tambib na samay ononan parti, tan duaran mitro so kaatagey to. Say omtombuk a parti et nilira met ed duamplon pulgada diad liber-liber na tambid na samay kumadwan parti.

Ezekiel 45:19

Say pari mangala na dala na sayan bagat a para kasalanan tan iyan tod saray lusek na puirtay Timplo, diad apatiran suyok na altar, tan diad lusek na saray dalan na puirtan mamaarap ed patiod dalem.

Exodo 29:37

Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Levitico 8:14

Insan si Moises inyakar to may kilaw na bakan kalakyan ya ibagat a para kasalanan, et si Aaron tan saray lalakin anak to intapew dad olo na samay baka iray kalimaan da.

Ezekiel 45:18

Say Katawan a Dios kuanto, “No ononan agew na ononan bulan, nepeg a mangibagat kayo na bakan kalakyan ya anggapon balut so deral na laman to tan linisan yo so Timplo.