Ezekiel 43:2 - Maung A Balita Biblia

² et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Maung a Balita Biblia

² et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Ezekiel 43:2 Referans Kwoze

Puyan 18:1

Kasumpal to ya, anengneng kon onleleksab a nanlapud tawen so sakey ya anghil. Balbaleg so pakayari to tan asindagay intiron mundo lapud liwawa to.

Ezekiel 11:23

Insan samay kagalangan na Dios tinaynan toy siudad tan amaarap ed pasen a nibokig na siudad.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Ezekiel 10:4

Inmatagey a nanlapud saramay pinalsa so kagalangay Katawan, insan dinmere ed lolooban na Timplo. Insan pinano na lorem imay Timplo, tan napno na liwawa imay patio.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Puyan 1:15

Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Ezekiel 3:23

Linma ak sirin ed patar, tan anengneng kod man so kagalangan na Katawan, a singa samay anengneng kod gilig na Ilog na Kebar. Tinmikleb ak ed dalin,

Ezekiel 1:24

Nen tinmikyab ira nadngel koy banesbes na saray payak da; singa ungol na dayat imay banesbes, singa tanul na amayamay a sondalo, singa bosis na Makapanyarin-amin a Dios. Nen tinmonda ra, kinopit da ra may payak da,

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Puyan 14:2

Nadngel koy bosis a nanlapud tawen a singa tanul na mabiskeg ya agos tan dalagorug na maksil a karul. Say nadngel ko singa tanul na saray arpan totogtogen da ray managtogtog.

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Puyan 19:1

Kasumpal to ya, nadngel koy singa maksil a bosis na amayamay a totoo ed tawen ya inkuanda, “Igalang yoy Dios! Say kilalaban, kagalangan, tan pakayari kayaryan ira na Dios tayo!

Juan 12:41

Imbaga ya nen Isaias, lapud anengneng toy kagalangan nen Jesus tan nansalitan nipaakar ed sikato.

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Ezekiel 9:3

Insan say kagalangay Dios na Israel inmatagey a nanlapud saray kirubin a kawalaan ton gendat, insan dinmere ed lolooban na Timplo. Say Katawan tinawag to may toon akakawes na linen tan inkuantod sikato,

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.

Isaias 17:12

Agolo-golo ray bansa tan manungol ira a singa panungol na ankakabaleg a daluyon na dayat.

Ezekiel 11:22

Tinmikyab ira may pinalsan mabilay tan akilad sikara ira may dalig. Walad tagey da so kagalangan na Dios na Israel.

Ezekiel 43:4

Samay mankidyam a liwawa et dinmalan ed samay puirtad bokig insan linmoob ed Timplo.

Ezekiel 44:2

tan say Katawan kuantod siak, “Mansiansian akakaput yan puirta tan ag balut lokasan. Anggapoy siopaman a too a nayarin abuloyan a mangikana ed sayan puirta, ta nilooban ko, siak a Katawan a Dios na Israel. Nepeg a mansiansian akakaput.

Habacuc 3:4

Onsasabin maliwliwawa a singa kirmat; mankikidyam ed lima to so silew, a diay akaiyamutan na pakayari to.