Ezekiel 43:19 - Maung A Balita Biblia

¹⁹ Saray papari labat a kabyangan na tribu nen Levi a say sengeg da et si Sadoc so onlad kawalaan ko a manlingkur ed siak. Siak a Katawan a Dios so nangganggan ed saya. Itdan mo ra na sakey a kilaw a bakan kalakyan ya isaklang dan bagat a para kasalanan.

Maung a Balita Biblia

¹⁹ Saray papari labat a kabyangan na tribu nen Levi a say sengeg da et si Sadoc so onlad kawalaan ko a manlingkur ed siak. Siak a Katawan a Dios so nangganggan ed saya. Itdan mo ra na sakey a kilaw a bakan kalakyan ya isaklang dan bagat a para kasalanan.

Ezekiel 43:19 Referans Kwoze

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Ezekiel 40:46

tan samay kuarton akaarap ed baybay et para saray paparin manlilingkur ed altar. Si Sadoc so sengeg na amin da ray papari; sikara labat so kabyangay tribu nen Levi a naabuloyan ya onlad kawalaan na Katawan, ta manlingkur irad sikato.

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

1 Saray Arari 2:35

Si Benaya so insalat na ari ed kinen Joab a pangulo na saray sondalo, tan si Sadoc a pari so insalat tod kinen Abiatar.

Saray Bilang 16:5

Insan inkuantod kinen Core tan saramay kagampi to, “Nabwas na kabwasan say Katawan ipanengneng tod sikatayo no siopa ray kayaryan to; abuloyan to so siopaman a kayaryan to, salanti say pinili to, ya onsingger ed sikato ed altar.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Isaias 61:6

Natawag kayo a papari na Katawan, Saray aripen na Dios tayo. Manliket kayod kayamanan na saray bansa Tan ikinon yon kayaryan yo ra.

1 Saray Arari 2:27

Kanyan pinaekal nen Solomon si Abiatar ed kipapasen ton pari na Katawan; lapud saya apatwa so sinalita na Katawan diad Silo nipaakar ed kinen Eli a pari tan saray kabyangay boleg to.

Saray Bilang 18:5

Sika tan saray anak mo labat so manggawa na saray kimey ed Masanton Pasen tan diad altar, pian ag lamet onterak so pasnuk kod saray Israelita.

Ezekiel 43:23

Kayarim a nagawa ra ya, mangala kay sakey a kilaw na bakan kalakyan tan sakey a karniron kalakyan ya anggapon balut so deral na laman da,

Ezekiel 45:4

Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.