Ezekiel 43:13 - Maung A Balita Biblia

¹³ Saraya so sukat na altar, onung ed sukat ya inkana ed impanukat ed samay Timplo. Diad liber-liber na sengeg na altar walay paagosan a duamplon pulgada so kaaralem to tan duamplon pulgada so kaawang to. Samploran pulgada so kaatagey na sangab to.

Maung a Balita Biblia

¹³ Saraya so sukat na altar, onung ed sukat ya inkana ed impanukat ed samay Timplo. Diad liber-liber na sengeg na altar walay paagosan a duamplon pulgada so kaaralem to tan duamplon pulgada so kaawang to. Samploran pulgada so kaatagey na sangab to.

Ezekiel 43:13 Referans Kwoze

Ezekiel 41:8

Duara tan kapalduay mitro so kapal na padir a walad bandad paway na sarayan kuarto; diad bandad baybay na Timplo walay sakey a puirtan onloob ed saray kuartod man, tan diad bandad abalaten walay sakey a puirta ya onloob ed saray kuartod man. Anengneng ko a diad liber-liber na Timplo walay balkon a say kaawang to et duara tan kapalduan mitro; taloran mitro so kaatagey tod dalin tan akapara ed kaatagey na pundasion na saramay kuarton akasiping ed saray padir na Timplo. Diad nanleetan na samay balkon tan saray paalagey ya ikakana na saray papari, walay liwang a samploran mitroy beltang to, diad nantopag a diking na Timplo.

Ezekiel 40:5

Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

Exodo 25:25

Igawaan moy pinagkakuadro to a taloran pulgaday kalapar tan diad saray gilig-gilig to moldoraan mo na balituk.