Ezekiel 42:20 - Maung A Balita Biblia

²⁰ Kanyan kuadrado so aliber na padir tan duanlasus tan anemaplo tan talon mitro so sukat na balang dapag. Say padir so angibiig ed antokaman a masanto ed saray aliwan masanto.

Maung a Balita Biblia

²⁰ Kanyan kuadrado so aliber na padir tan duanlasus tan anemaplo tan talon mitro so sukat na balang dapag. Say padir so angibiig ed antokaman a masanto ed saray aliwan masanto.

Ezekiel 42:20 Referans Kwoze

Ezekiel 45:2

Diad sayan pasen nepeg a walay lugar a para Timplo; duanlasus tan duamplo tan anem a mitro so karokey na balang dapag, ya apaliberan na liwang a duamplo tan anem a mitro so kaawang to.

Ezekiel 40:5

Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Ezekiel 22:26

Susumlangen na saray papari so ganggan ko tan dodotakan da so antokaman a masanto. Ag da pandodomaen so masanto tan say aliwan masanto. Ag da ibabangat so pandomaan na bengatlan malinis tan say aliwan malinis, tan anggapoy walad sikara so Agew na Panagpainawa. Lapud saya, ag ak papagalangan na saray totood Israel.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Ezekiel 48:15

Say akeraan ed samay nidoma-doman parti, salanti say labinduan kilomitro so karokey to tan duara tan kapalduan kilomitro so kaawang to, et aliwan masanto, balet ikana na karaklan. Nayarin manayam irad man tan ikana ra. Diad pegley so nepeg a kawalaan na siudad,

Ezekiel 44:23

“Nepeg ya ibangat na saray papari ed saray totook so pandomaan na masanto tan say aliwan masanto, tan say pandomaan na malinis tan say aliwan malinis, onung ed ganggan.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Lucas 16:26

Aliwan satan labat! Walay baleg a kelas ed nanleetan tayo. Saray wadyan malabay ya onlad tad sikayo, ag ira makakar; tan saray wadtan a malabay ya onla diad sikami, ag ira makakar.’

Mikias 7:11

Sikayo ran totood Jerusalem, onsasabi lay panaon na pangipaalagey lamet ed saray padir na siudad. Diad satan iran agew onawang so dalin yo.

Ezekiel 48:20

Ontan sirin, say intiron kabaleg na samay pasen a walad pegley na samay nibiig a parti et kuadradon labinduan kilomitro so karokey na balang dapag, tan saya et sakopen to so pasen a kawalaan na siudad.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Kanta nen Solomon 2:9

Singa sakey a korso so inarok, singa sakey a kalakyan a kilaw na ulsa. Wadman lan manaalagey ed abay na padir. Ontatakiling ed bintana, onnenengneng ed leet da ray barandilyas.

Levitico 10:10

Nepeg yon pambiigan so bengatlan kayaryan na Dios tan say bengatlan kayaryan na karaklan; nepeg yo met a pambiigan so malinis tan say marotak onung ed ganggan.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”