Ezekiel 42:14 - Maung A Balita Biblia

¹⁴ No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.”

Maung a Balita Biblia

¹⁴ No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.

Ezekiel 42:14 Referans Kwoze

Ezekiel 44:19

Kasakbayan ya onla rad patiod paway a kawalaan da ray totoo, nepeg a lakseben day kawes dad panlilingkur dad dalem na Timplo, insan da ra itilak ed saray masanton kuarto. Nepeg a mansolung ira na sananey a kawes, pian samay masanton kawes da et ag to napasakitan iray totoo.

Levitico 8:7

Kayari to ya, insolung tod kinen Aaron so kawes ya antikey so taklay tan say tunika insan to binalkesay abel so awak nen Aaron. Insolung tod sikato so ipod tan tinapewan tod awak na balibalin inabel a balkes.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Levitico 8:13

Kayari to ya, insoblay ton pinaonlad arap ira may lalakin anak nen Aaron tan sinolungan to ray kawes ya antikey so taklay. Insan to ra binalabalan ed awak, tan siningeran toy kaoloan da na sakub na toktok na olo, onung na ingganggan na Katawan.

TAGA GALACIA 3:27

Ta amin yon abinyagan ya akikasakey ed Cristo, pinaloob yod bilay yo si Cristo.

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

Lucas 9:62

Inkuanen Jesus ed sikato, “Siopamay mambabakan lingaw-lingaw nid beneg, anggapoy kana tod Panariay Dios.”

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Levitico 16:23

Insan si Aaron onloob ed Tulda, lakseben to ray kawes na pari ya insosolung to kasakbayan a linmoob ed Sankasantosan a Pasen, insan to la rad man taynan.

Ezekiel 44:1

Insan samay laki inyakar to ak ed samay puirtad paway diad nibokig a dapag na solar na Timplo. Akakaput imay puirta,

Levitico 16:24

Nepeg a manames ed masanton pasen insan to isolung so dilin kawes to. Kayari to ya, ompaway, ta mangisablang na bagat a popoolan a mangekal na saray dilin kasalanan to tan saray kasalanan da ray katoowan.