Ezekiel 41:18 - Maung A Balita Biblia

¹⁸ kiew a palmira tan saray kirubin. Niliber-liber a nikortin nansosoblayan ira may palmira tan saramay kirubin. Duaray lupa na kapag kirubin:

Maung a Balita Biblia

¹⁸ kiew a palmira tan saray kirubin. Niliber-liber a nikortin nansosoblayan ira may palmira tan saramay kirubin. Duaray lupa na kapag kirubin:

Ezekiel 41:18 Referans Kwoze

1 Saray Arari 7:36

tan adikoraan ira na saray nitatak a kirubin, lion, tan saray palmiran kiew, inermay kawalaay pasen a pakapangitatakan ed sikara, tan aliber iray nitatak a nibalbaliber a gulis.

Ezekiel 40:16

Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.

Ezekiel 40:22

Say lolooban a kuarto, saray bintana, tan saray nikortin kiew a palmira et singa saramay walad puirtad bokig. Apatiran balitang dia so mamaarap ed puirta, tan say lolooban a kuarto et walad bandad samput a sankaarap toy patio.

Ezekiel 10:21

Balang sakey ed sikara walay apatiran lupa to, apatiran payak, tan walay singa limay too ed silong na kapag payak to.

2 Saray Awaran 3:7

Inookup to so balituk ed saray dingding na Timplo, saray pagsen, saray lolooban, tan saray puirta. Saray kumikimey inkokorti rad dingding iray kirubin.

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Ezekiel 41:25

Wala ra met so nikortin kiew a palmira tan kirubin ed saramay kaput na Masanton Pasen, a singa saramay nikorti ed padir. Walay tablan tarung ed paway na dalan na puirta na samay kuarton lolooban.

Ezekiel 41:20

manlapud datal ya anggad tagey na saray puirta.

Ezekiel 10:14

Apatira so lupa na balang sakey ed saramay pinalsa. Say onona lupay bakan kalakyan, say kumadwa lupay too, say kumatlo lupay lion, tan say kumapat lupay agila.

Ezekiel 1:10

Balang sakey ed saramay pinalsan mabilay et walay apatiran nandoroman lupa to; lupay too ed arap, lupay lion ed kawanan, lupay bakan kalakyan ed kawigi, tan lupay agila ed beneg.

2 Saray Awaran 3:5

Say manonan kuarto et adingdingan na tablan sidro tan inokupan na puron balituk. Nikorti dia ray kiew a palmira tan saray golunggolung.

1 Saray Arari 6:35

Nikorti met ira diay kirubin, kiew a palmira, tan saray rosas tan namparparay kapal na balituk a niokup ed saraya.

Ezekiel 41:17

Saray padir ya anggad tagey na saray puirta na loob na Timplo et adikoraan ira na saray nikortin

1 Saray Arari 7:29

Diad saray dingding nitatak iray lion, bakan kalakyan, tan saray kirubin; tan diad saray bastidor, diad tagey tan silong na saray lion tan saray bakan kalakyan wala ray nitatak a nibalbaliber a gulis.