Ezekiel 41:1 - Maung A Balita Biblia

¹ Kayari to ya, samay laki inyakar to ak ed kuartod pegley, say Masanton Pasen. Sinukat toy dalan ya onloob ed sayan kuarto: taloran mitro so kaaralem to

Maung a Balita Biblia

¹ Kayari to ya, samay laki inyakar to ak ed kuartod pegley, say Masanton Pasen. Sinukat toy dalan ya onloob ed sayan kuarto: taloran mitro so kaaralem to

Ezekiel 41:1 Referans Kwoze

Ezekiel 41:23

Walay sakey a puirta diad samput na dalan a mamaarap ed Masanton Pasen tan sakey met so walad samput na dalan na Sankasantosan a Pasen.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Puyan 21:15

Samay anghil a nansalitad siak sankabembenan toy balituk a panagsukat a panukat toy siudad, saray puirta tan say padir to.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Ezekiel 41:21

Kuadrado iray lusek na puirta na Masanton Pasen. Diad arap na lolooban na Sankasantosan a Pasen walay bengatlan singa

Ezekiel 41:3

Insan samay laki linmoob ed sankadaleman a kuarto. Sinukat toy dalan a mamaarap ed saman a kuarto: sakey a mitroy kaaralem to tan taloran mitroy kaawang to. Talora tan kapalduan mitro so kapal na nantopag a padir to.

1 Saray Arari 6:2

Talomplon mitro so karokey na dalem na Timplo, samploran mitro so kaawang to, tan labinliman mitro so kaatagey to.

Ezekiel 42:1

Insan samay laki inyakar to ak ed patio ed paway tan intuloy to ak ed sakey a paalagey diad baybay na Timplo, ya ag arawi ed samay paalagey ed nisagur a samput na Timplo.

1 Saray Arari 6:1

Inggapo nen Solomon ya impaalagey so Timplo nen kayariy apat a lasus tan walomplon taon manlapud samay agew a tinaynan na saray Israelita so Egipto, tan legan na kumapat a taon a panaari nen Solomon, diad bulan na Sib a kumadwan bulan na taon.