Ezekiel 40:7 - Maung A Balita Biblia

⁷ Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.

Maung a Balita Biblia

⁷ Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.

Ezekiel 40:7 Referans Kwoze

Ezekiel 40:36

Singa saramay arum a puirta, wala met iray panagguardiaan ton kuarto, saray adikoraan a padir ed dalem, say lolooban a kuarto, tan saray nipaliber a bintana. Duamplo tan anem a mitro so karokey to tan labintalon mitro so kaawang to.

Ezekiel 42:5

Melag iray kuartod samay sankatageyan a grado to may paalagey nen saray kuartod kumadwa tan sankaabebaan a grado, lapud nisener ira.

Ezekiel 40:33

Say kabaleg na saray panagguardiaan ton kuarto, say lolooban ton kuarto, tan saray padir to ed dalem et kapara na kabaleg na saramay walad arum a dalan na puirta. Aliber na saray bintana tan anggan samay lolooban a kuarto. Duamplo tan anem a mitro so karokey to tan labintalon mitro so kaawang to.

Ezekiel 40:29

Say kabaleg na saray panagguardiaan ton kuarto, say lolooban ton kuarto, tan saray padir tod dalem et kapara na kabaleg na saramay walad arum a dalan na puirta. Wala met iray bintana na sayan dalan na puirta. Say karokey to et duamplo tan anem a mitro tan say kaawang to et labintalon mitro.

Jeremias 35:4

insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Esdras 8:29

Asikaso yo ran maung anggad nasabi yoy Timplo. Diad loob da ray kuarto na papari, simbang yo rad arap da, insan yo ipalimad saray pangulo na saray papari tan saray Levita, tan diad saray pangulo da ray totood Israel a walad Jerusalem.”

2 Saray Awaran 31:11

Onung ed ganggan na ari, angiparaan ira na saray kuarton panagsinupan ed solar na Timplo,

2 Saray Awaran 3:9

duamplon onsan balituk so nikana ed impanggawa na saray pasak. Inokupan met na balituk iray dingding na saray kuarton walad tagey.

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

1 Saray Awaran 9:26

Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.

Ezekiel 40:8

Sinukat to yan kuarto, et apatiran mitro so kaaralem to. Sayan kuarto so pansamputan na samay dalan na puirtan sankaasinggeran ed Timplo, tan diad kasamputan na dalan, sakey a mitro so kakapal na saray padir. (

Ezekiel 40:10

Saramay kuarton panagguardiaan a walad balang dapag na samay dalan et nampaparay kabaleg da, tan nampaparay kakapal na saray padir a nanleleetan da.)

Ezekiel 40:21

Say sukat na amin da ray kuarton panagguardiaan ed kapag dapag na dalan, saray padir ed nanleleetan da, tan say lolooban a kuarto et kaparay sukat da ra may walad dalan na puirtad bokig. Duamplo tan anem a mitro so karokey to tan labintalon mitro so kaawang to.