Ezekiel 40:6 - Maung A Balita Biblia

⁶ Insan linmad dalan na puirtan akaarap ed bokig. Amaatagey a tinmakayan, tan diad toktok sinukat to so lolooban; taloran mitro so kaaralem to.

Maung a Balita Biblia

⁶ Insan linmad dalan na puirtan akaarap ed bokig. Amaatagey a tinmakayan, tan diad toktok sinukat to so lolooban; taloran mitro so kaaralem to.

Ezekiel 40:6 Referans Kwoze

Ezekiel 43:1

Samay laki inyakar to ak ed puirtan akaarap ed bokig,

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Ezekiel 40:20

Insan sinukat na samay laki so dalan na puirtan walad baybay a dapag a mamaarap ed patio ed paway.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Ezekiel 10:18

Insan samay kagalangan na Katawan tinmaynan ed samay lolooban na Timplo tan linmad pasen diad tagey na saramay pinalsa.

Jeremias 19:2

ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

Nehemias 3:29

Impaalagey nen Sadoc a lakin anak nen Imer so onsoblay a soldung na padir a walad arap na abung to. Impaalagey nen Semaya a lakin anak nen Secanias tan managasikasoy Puirta na Bokig so onsoblay a soldung na Padir.

1 Saray Awaran 9:24

Kapag dapag na Timplo, diad baybay, abalaten, sagur, tan diad bokig walay puirta tan walay pangulon guardia.

1 Saray Awaran 9:18

Manlapud saman a panaon saray kabyangay boleg da nipasen ira ed bokig na lolooban a tatawagey Puirtay Ari. Nen saman guardia ra ed saray puirta da ray kampo na saray Levita.

1 Saray Arari 6:8

Walad abalaten a dapag na Timplo so lolooban na sankaleksaban a grado na saramay kuarto, tan dia met so kawalaay takayan a mamaarap ed kumadwa tan kumatlon grado.

Ezekiel 47:1

Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Ezekiel 46:12

“No say manoley a prinsipi et mabolus a mangisaklang ed Katawan na bagat a popoolan odino bagat a para kareenan, say puirtad bandad bokig ya ompogtad patiod dalem et nilokas a para sikato. Say pangibagat to et nepeg a singa panangibagat to no Agew na Panagpainawa, tan nepeg ya ikaput so puirta no kapaway to.”

Ezekiel 44:1

Insan samay laki inyakar to ak ed samay puirtad paway diad nibokig a dapag na solar na Timplo. Akakaput imay puirta,

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.

Ezekiel 40:26

Pitoran balitang so mamaarap ed saya, tan say lolooban a kuarto to et wala met ed bandad samput a sankaarap toy patio. Wala ray nikortin kiew a palmira diad saray padir ya akaarap ed samay dalan.

Ezekiel 40:7

Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.

Ezekiel 40:5

Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Ezekiel 40:22

Say lolooban a kuarto, saray bintana, tan saray nikortin kiew a palmira et singa saramay walad puirtad bokig. Apatiran balitang dia so mamaarap ed puirta, tan say lolooban a kuarto et walad bandad samput a sankaarap toy patio.

Ezekiel 40:24

Kayari to man, samay laki inyakar to ak ed abalaten a dapag, tan anengneng mid man so sakey nin dalan na puirta. Sinukat to et miparad saramay arum a puirta so kabaleg na saray padir ed dalem tan say lolooban ton kuarto.

Ezekiel 41:16

apalkapan ira na tabla manlapud datal ya anggad saray bintana. Nayarin saraan ira yan bintana.

Ezekiel 42:15

Nen asumpal na samay laki a sinukat so dalem na Timplo, impaway to ak diad nibokig a puirta, insan to sinukat so paway na Timplo.

Ezekiel 43:17

Kuadrado met imay pegley a parti, pitora tan kapalduan mitro so balang dapag, tan walay sangab to diad paway na tambib a say kaatagey to et samploran pulgada. (Duamplon pulgada so kaawang na samay paagosan.) Diad bandad bokig so kawalaan na takayan a mamaatagey ed samay altar.