Ezekiel 40:5 - Maung A Balita Biblia

⁵ Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Maung a Balita Biblia

⁵ Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Ezekiel 40:5 Referans Kwoze

Ezekiel 42:20

Kanyan kuadrado so aliber na padir tan duanlasus tan anemaplo tan talon mitro so sukat na balang dapag. Say padir so angibiig ed antokaman a masanto ed saray aliwan masanto.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Puyan 21:12

Atagey tan makapal so padir to, tan labinduay puirta to. Babantayay sakey ya anghil so balang puirta. Akasulat ed sarayan puirta so kangaranan da ray labinduan tribu na totood Israel.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Saray Salmo 125:2

No panon so inkaliber na Jerusalem na kapalandeyan, ontan met so panasayakop na Katawan ed saray totoo to, natan tan anggad angga.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Ezekiel 41:8

Duara tan kapalduay mitro so kapal na padir a walad bandad paway na sarayan kuarto; diad bandad baybay na Timplo walay sakey a puirtan onloob ed saray kuartod man, tan diad bandad abalaten walay sakey a puirta ya onloob ed saray kuartod man. Anengneng ko a diad liber-liber na Timplo walay balkon a say kaawang to et duara tan kapalduan mitro; taloran mitro so kaatagey tod dalin tan akapara ed kaatagey na pundasion na saramay kuarton akasiping ed saray padir na Timplo. Diad nanleetan na samay balkon tan saray paalagey ya ikakana na saray papari, walay liwang a samploran mitroy beltang to, diad nantopag a diking na Timplo.

Ezekiel 43:13

Saraya so sukat na altar, onung ed sukat ya inkana ed impanukat ed samay Timplo. Diad liber-liber na sengeg na altar walay paagosan a duamplon pulgada so kaaralem to tan duamplon pulgada so kaawang to. Samploran pulgada so kaatagey na sangab to.

Ezekiel 42:15

Nen asumpal na samay laki a sinukat so dalem na Timplo, impaway to ak diad nibokig a puirta, insan to sinukat so paway na Timplo.