Ezekiel 40:47 - Maung A Balita Biblia

⁴⁷ Sinukat na samay laki imay patio ed dalem, et limamplo tan duan kuadrado. Walad bandad sagur so Timplo, tan diad arap to say altar.

Maung a Balita Biblia

⁴⁷ Sinukat na samay laki imay patio ed dalem, et limamplo tan duan kuadrado. Walad bandad sagur so Timplo, tan diad arap to say altar.

Ezekiel 40:47 Referans Kwoze

Ezekiel 40:27

Wala dia met so dalan na puirtan mamaarap ed patio ed dalem. Samay laki sinukat to so kaarawi ya anggad sayan kumadwan dalan na puirta, et walay limamplo tan duan mitro.

Ezekiel 40:23

Diad kabasil na patio manlapud sayan dalan na puirtad baybay et walay sananey a dalan na puirta a mamaarap ed patiod dalem, a singa samay walad bokig a dapag. Samay laki sinukat toy karokey na nanleetan na sarayan duaran dalan na puirta, et walay limamplo tan duan mitro.

Ezekiel 40:19

Walay dalan na puirta ed niatagey a pasen a mamaarap ed patio ed dalem. Sinukat na samay laki so karokey na nanleetan na saramay duaran dalan na puirta, et limamplo tan duan mitro so karokey to.

Ezekiel 41:13

Samay laki sinukat toy bandad paway na Timplo, et limamplo tan talon mitro so karokey to. Manlapud beneg na Timplo ya ombeltang ed liwang ya anggad sankaarawian a parti na samay paalagey ed bandad sagur, say karokey to et limamplo tan talo met a mitro.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.