Ezekiel 40:45 - Maung A Balita Biblia

⁴⁵ Imbagad siak na samay laki a samay kuarton akaarap ed abalaten et para saray paparin manlilingkur ed Timplo,

Maung a Balita Biblia

⁴⁵ Imbagad siak na samay laki a samay kuarton akaarap ed abalaten et para saray paparin manlilingkur ed Timplo,

Ezekiel 40:45 Referans Kwoze

1 Saray Awaran 9:23

Sikara tan saray kabyangay boleg da intuloy day nangguardia ed saray puirta na Timplo.

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Levitico 8:35

Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.”

Puyan 1:6

Ginawa to tayo met a sakey a panarian tan impagmaliw to tayon papari a manlingkur ed Dios tan Ama to. Say galang tan pakayari so wala ya anggad angga ed Jesu-Cristo! Amen.

1 Timoteo 6:20

Timoteo, asikasom a maung so nipia ed sika. Paliisan moy tongtongan ya aliwan makapaliket ed Dios, tan say sangsangan na “Pakatalus,” onung ed aliwan pananawag na arum a totoo.

Ezekiel 8:5

Inkuan na Dios ed siak, “Sika a toon ompatey, nengneng kad baybay.” Ninmengneng ak, et diad asingger ed altar ed abay na lolooban na puirta anengneng koy talintaon makapaspasnuk ed Dios.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

1 Saray Awaran 6:49

Si Aaron tan saray kabyangay boleg to so manangyapay na saray bagat ya insinso tan manangisaklang na saray bagat a popoolan ed tapew na altar. Sikaray makaoley ed amin a panangigalang diad Sankasantosan a Pasen tan diad saray bagat a pamirdonaan na Dios ed saray kasalanan na Israel. Sarayan amin ginagawa ra onung ed saray ganggan nen Moises ya aripen na Dios.

Saray Bilang 18:5

Sika tan saray anak mo labat so manggawa na saray kimey ed Masanton Pasen tan diad altar, pian ag lamet onterak so pasnuk kod saray Israelita.

Saray Bilang 3:38

Si Moises tan si Aaron tan saray anak ton lalaki et nepeg a mankampo ra ed bokig diad arap na Tulda. Sikaray makaoley ed amin a kimey a susumpalen ed loob na Masanton Pasen para saray Israelita. Likud ed sikara pateyen so siopaman a manggawa na susumpalen na pari.

Saray Bilang 3:32

Si Eleazar a lakin anak nen Aaron so pangulo da ray Levita. Sikatoy makaoley ed saray mankikimey ed Masanton Pasen.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Ezekiel 40:38

Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.

Ezekiel 44:11

Nayarin manlingkur irad siak ed Timplo diad panamegley na pangasikaso rad saray puirta na Timplo tan diad panggawa rad saray kimey ed Timplo. Nayarian dan pateyen iray ayayep ya isasaklang a bagat a popoolan na saray totoo tan saray arum a bagat da, tan mankimey ira a manlingkur ed saray totoo.

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Ezekiel 45:4

Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.