Ezekiel 40:4 - Maung A Balita Biblia

⁴ Inkuantod siak, “Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.”

Maung a Balita Biblia

⁴ Inkuantod siak, Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.

Ezekiel 40:4 Referans Kwoze

Ezekiel 44:5

et say Katawan kuantod siak, “Sika a toon ompatey, apiger mon imanoen ya amin iray nanenengneng tan narerengel mo. Ibagak ed sika iray totontonen tan saray ganggan a nipaakar ed Timplo. Apiger mon tandaan no siopa ray totoon nayarin onloob tan ompaway ed Timplo, tan ontan met no siopa ray ag naabuloyan ya onloob.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Ezekiel 43:10

Intuloy na Katawan ya inkuan, “Sika a toon ompatey, ibagam ed saray totood Israel so nipaakar ed Timplo, tan paaral mod sikara so plano to. Pagmaliw mo ran ombaing lapud saray maoges a gagawaen da!

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Mateo 13:9

Insan kuanen Jesus, “Dengel kayo sirin, sikayo ran walay layag!”

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Ezekiel 2:1

Nen anengneng ko ya, tinmikleb ak ed dalin. Insan ko nadngel so bosis a kuanto, “Sika a toon ompatey, alagey ka. Labay koy mitongtong ed sika.”

Isaias 21:10

Totook a taga Israel, singa kayo trigon nailik-ilik, balet natan imbawag kod sikayo so maung a balitan nadngel ko ed Katawan a Makapanyarin-amin a Dios na Israel.

1 CORINTO 11:23

Ta inawat kod Katawan so bangat ya inter kod sikayo: say Katawan a Jesus, diad samay labin impangyawat dad sikato, angalay tinapay,

Saray Gawgawa 20:27

Ta imbagak ed sikayoy amin a linaway Dios.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Ezekiel 47:6

Inkuantod siak imay too, “Sika a toon ompatey, apiger mon imanoen ira yan amin.” Insan samay laki impawil to ak ed samay gilig na ilog,