Ezekiel 40:39 - Maung A Balita Biblia

³⁹ Diad sayan lolooban a kuarto walay apatiran lamisaan, duara ed kapag dapag na kuarto. Diad sarayan lamisaan so pamapapateyan na saray ayayep ya ibagat, a nayarin bagat a popoolan odino bagat a para kasalanan odino bagat a pambayar.

Maung a Balita Biblia

³⁹ Diad sayan lolooban a kuarto walay apatiran lamisaan, duara ed kapag dapag na kuarto. Diad sarayan lamisaan so pamapapateyan na saray ayayep ya ibagat, a nayarin bagat a popoolan odino bagat a para kasalanan odino bagat a pambayar.

Ezekiel 40:39 Referans Kwoze

Ezekiel 46:2

Say manoley a prinsipi onlan manlapud patiod paway diad iloob tod baleg a kuarto diad kawalaan na dalan na puirta tan manalagey ed abay na saray lusak na puirta legan ya isasaklang na saray papari iray bagat a popoolan tan saray bagat ton para kareenan. Diman ed puirta, nepeg a mangigalang ed Dios, insan la ompaway. Ag nepeg ya ikaput imay puirta ya anggad isabiy labi.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.”

Malakias 1:12

Balet ag yo ak papagalangan nen kuanyo ya andi-kakanaan so altar ko tan isasaklang yod altar ko so ag yo labalabay a kakanen.

Malakias 1:7

Onyay pamabalaw yod siak—mangibabagat kayoy andi-kakanaan a kakanen ed altar ko. Insan tetepeten yo, panoy ag mi impamagalang ed sika? Ibagak ed sikayo—diad ag yo pangingalngalep ed altar ko.

Ezekiel 44:16

Sikara labat so onloob ed Timplok, manlingkur ed altar ko, tan mangipangulo na panangingalang diad Timplo.

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

Ezekiel 40:42

Tinabas a bato ira may apatiran lamisaan ed samay nisiping a paalagey ya ikakanad pangiparaan na saray bagat a popoolan. Kapalduay mitro so kaatagey da, tan talomplon pulgada so lapar na tapew dan kuadrado. Nisisinup ed sarayan lamisaan iray amin a kagawaan a pamatey ed saray ayayep ya ibagat.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Levitico 6:6

Mangyakar ed pari na sakey a kalakyan a karniro odino kanding ya anggapoy deral na laman to, ta ibagat ton pambayar ed Katawan. Say bili na sayan bagat kuintaen onung ed panagkuinta ed santuario.

Ezekiel 40:40

Diad paway na samay kuarto wala met so apatiran lamisaan a kapara na saramay walad dalem, duara ed kapag dapag na lolooban na puirtad baybay.

Ezekiel 40:41

Waloran amin iray lamisaan a panagpateyan ed saray ayayep ya ibagat: apatira so wala ed dalem na samay kuarto tan apatira so walad paway diad samay patio.

Levitico 5:15

No say sakey a too et nankasalanan ya ag to ginagala lapud ag to impangiter na saray babayaran a masantod Katawan, nepeg a mangyakar na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario.

Levitico 5:19

Sakey yan bagat a pambayar ed kasalanan a ginawa to sumpad Katawan.