Ezekiel 40:22 - Maung A Balita Biblia

²² Say lolooban a kuarto, saray bintana, tan saray nikortin kiew a palmira et singa saramay walad puirtad bokig. Apatiran balitang dia so mamaarap ed puirta, tan say lolooban a kuarto et walad bandad samput a sankaarap toy patio.

Maung a Balita Biblia

²² Say lolooban a kuarto, saray bintana, tan saray nikortin kiew a palmira et singa saramay walad puirtad bokig. Apatiran balitang dia so mamaarap ed puirta, tan say lolooban a kuarto et walad bandad samput a sankaarap toy patio.

Ezekiel 40:22 Referans Kwoze

Ezekiel 40:37

Akaarap ed patio ed paway so lolooban a kuarto. Nikorti ray kiew a palmira ed saray padir ed paway ya akaarap ira ed lolooban. Waloran balitang so mamaarap ed sayan puirta.

Ezekiel 40:31

Say lolooban a kuarto to et sankaarap toy sananey a patio, tan nikorti ray palmiran kiew diad saray padir na dalan. Waloran balitang so mamaarap ed sayan puirta.

Ezekiel 40:49

Wala ray balitang a mamaarap ed samay kuarton lolooban a samplora tan kapalduan mitro so kaawang to tan anemiran mitro so kaaralem to. Walay duaran lusek ya akaalagey iran sansakey ed balang dapag na samay lolooban.

Ezekiel 40:16

Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.

Ezekiel 40:6

Insan linmad dalan na puirtan akaarap ed bokig. Amaatagey a tinmakayan, tan diad toktok sinukat to so lolooban; taloran mitro so kaaralem to.

Ezekiel 40:34

Say lolooban na baleg a kuarto et sankaarap toy patio ed paway. Nikorti ray kiew a palmira ed saray padir diad lolooban. Waloran balitang so mamaarap ed sayan puirta.

Ezekiel 40:26

Pitoran balitang so mamaarap ed saya, tan say lolooban a kuarto to et wala met ed bandad samput a sankaarap toy patio. Wala ray nikortin kiew a palmira diad saray padir ya akaarap ed samay dalan.

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Saray Hebreo 6:1

Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

2 Saray Awaran 3:5

Say manonan kuarto et adingdingan na tablan sidro tan inokupan na puron balituk. Nikorti dia ray kiew a palmira tan saray golunggolung.

1 Saray Arari 7:36

tan adikoraan ira na saray nitatak a kirubin, lion, tan saray palmiran kiew, inermay kawalaay pasen a pakapangitatakan ed sikara, tan aliber iray nitatak a nibalbaliber a gulis.

1 Saray Arari 6:35

Nikorti met ira diay kirubin, kiew a palmira, tan saray rosas tan namparparay kapal na balituk a niokup ed saraya.

1 Saray Arari 6:32

Nikorti ed saray kaput iray kirubin, kiew a palmira, tan saray rosas. Apalkapan na balituk iray kaput, saray kirubin, tan saray kiew a palmira.

1 Saray Arari 6:29

Nikortid padir na manonan kuarto tan diad padir na bandad dalem a kuarto iray kirubin, kiew a palmira, tan saray rosas.

Ezekiel 40:25

Wala ray bintana ed saray kuarto ed sayan dalan na puirta a singa saramay arum. Duamplo tan anem a mitro so karokey to tan labintalon mitro so kaawang to.

Ezekiel 40:29

Say kabaleg na saray panagguardiaan ton kuarto, say lolooban ton kuarto, tan saray padir tod dalem et kapara na kabaleg na saramay walad arum a dalan na puirta. Wala met iray bintana na sayan dalan na puirta. Say karokey to et duamplo tan anem a mitro tan say kaawang to et labintalon mitro.

1 Saray Arari 7:4

Diad kapag dapag na nantopag a padir, walay taloran talonton na bintana.