Ezekiel 40:17 - Maung A Balita Biblia

¹⁷ Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Maung a Balita Biblia

¹⁷ Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Ezekiel 40:17 Referans Kwoze

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Ezekiel 42:1

Insan samay laki inyakar to ak ed patio ed paway tan intuloy to ak ed sakey a paalagey diad baybay na Timplo, ya ag arawi ed samay paalagey ed nisagur a samput na Timplo.

Ezekiel 46:21

Insan to ak inyakar ed patiod paway tan impanengneng tod siak a diad kapag sokung to may patio walay ankelag a patio, a duamplo tan sakey a mitro so karokey to tan labinliman mitro so kaawang to.

Ezekiel 45:5

Samay kapaldua na pasen et ibiig a para saray Levita a mankikimey ed Timplo. Nipaalagey diman iray baley a panayaman da.

Ezekiel 10:5

Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.

2 Saray Awaran 31:11

Onung ed ganggan na ari, angiparaan ira na saray kuarton panagsinupan ed solar na Timplo,

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

1 Saray Awaran 9:26

Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.

Ezekiel 42:4

Diad dasig na bandad baybay a dapag na sayan paalagey et walay dalan a limaran mitro so kaawang to tan limamplo tan duan mitro so karokey to, tan diad baybay so kawalaan na saray lolooban to.

Ezekiel 41:6

Taloran grado ra yan kuarto, tan talomplon kuarto so walad balang grado. Say bandad paway a padir na Timplo diad kapag grado et maimpis nen say gradon walad leksab, kanyan nipapeg la ra may grado ya ag la kinaukolan ya ibotbot irad padir.

Ezekiel 40:38

Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.

2 Saray Arari 23:11

Inekal to met iray kabayon insaklang na saray ararid Juda diad pangigalang ed agew, insan pinoolan to ray karwahin inkakana ed sayan panangigalang. (Nikolung tan niiyan ira yan kabayo tan karwahi diad dalem na patioy timplo ya asingger ed puirta tan ag arawid ayaman nen Natanmelec a sakey a manonan opisyal.)

1 Saray Arari 6:5

Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

Ezekiel 40:18

a manliber-liber ed patio. Sayan patiod paway et niabeba ed samay patio ed dalem na Timplo.

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.

Ezekiel 40:45

Imbagad siak na samay laki a samay kuarton akaarap ed abalaten et para saray paparin manlilingkur ed Timplo,

Ezekiel 40:46

tan samay kuarton akaarap ed baybay et para saray paparin manlilingkur ed altar. Si Sadoc so sengeg na amin da ray papari; sikara labat so kabyangay tribu nen Levi a naabuloyan ya onlad kawalaan na Katawan, ta manlingkur irad sikato.

Ezekiel 42:3

Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.

Ezekiel 44:1

Insan samay laki inyakar to ak ed samay puirtad paway diad nibokig a dapag na solar na Timplo. Akakaput imay puirta,

Exodo 27:9

“Say Tuldan Ayaman na Katawan et igawaan mo na saray pinon linen a kurtina a pinagkaalar to. Diad dapag ya abalaten say karokey na kurtina et limamplon yarda,