Ezekiel 40:16 - Maung A Balita Biblia

¹⁶ Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.

Maung a Balita Biblia

¹⁶ Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.

Ezekiel 40:16 Referans Kwoze

Ezekiel 41:26

Wala ray bintana ed diking na sayan kuarto, tan adikoraan na nikortin kiew a palmira iray padir to yan kuarto.

2 Saray Awaran 3:5

Say manonan kuarto et adingdingan na tablan sidro tan inokupan na puron balituk. Nikorti dia ray kiew a palmira tan saray golunggolung.

1 Saray Arari 6:4

Wala ray bongaw ed saray padir na Timplo, a mainget nid paway nen say loob da.

1 Saray Arari 6:35

Nikorti met ira diay kirubin, kiew a palmira, tan saray rosas tan namparparay kapal na balituk a niokup ed saraya.

1 Saray Arari 6:32

Nikorti ed saray kaput iray kirubin, kiew a palmira, tan saray rosas. Apalkapan na balituk iray kaput, saray kirubin, tan saray kiew a palmira.

1 Saray Arari 6:29

Nikortid padir na manonan kuarto tan diad padir na bandad dalem a kuarto iray kirubin, kiew a palmira, tan saray rosas.

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

1 CORINTO 13:12

Say nanenengneng tayo natan et singa burarog a lupa ed salming; balet onsabiy agew a nanengneng tayo ed lupa-lupaan. Daiset niy amtak natan, balet onsabiy agew a magmaliw ya ayadyari so pakaamtak, a singa ayadyarin pakapikabat na Dios ed siak.

Juan 5:2

Diad Jerusalem, diad abay na Puirtay Karniro, walay sakey a dipositoway danum a diad salitay Hebreo, tatawagey Betesda. Walay limaran portiko to,

Ezekiel 42:3

Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.

Ezekiel 41:18

kiew a palmira tan saray kirubin. Niliber-liber a nikortin nansosoblayan ira may palmira tan saramay kirubin. Duaray lupa na kapag kirubin:

Ezekiel 40:25

Wala ray bintana ed saray kuarto ed sayan dalan na puirta a singa saramay arum. Duamplo tan anem a mitro so karokey to tan labintalon mitro so kaawang to.

Ezekiel 40:12

Diad arap na kapag kuarton panagguardiaan walay abeban padir a masoluk a kapalduay mitro so kaatagey to tan ontan met so kakapal to. (Saramay kuarto et taloran mitro so karokey tan kaawang na balang dapag dan amin.)

Ezekiel 40:7

Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.

Saray Salmo 92:12

Onsalumpapak a singa kiew a palmira iray matonung a totoo; ombaleg iran singa kiew a sidro na Libano.

Ezekiel 40:15

Duamplo tan anem a mitro so karokey na samay dalan manlapud paway na padir na puirta ya anggad samput a dapag na kaonuran a kuarto.

Ezekiel 40:26

Pitoran balitang so mamaarap ed saya, tan say lolooban a kuarto to et wala met ed bandad samput a sankaarap toy patio. Wala ray nikortin kiew a palmira diad saray padir ya akaarap ed samay dalan.

Ezekiel 40:29

Say kabaleg na saray panagguardiaan ton kuarto, say lolooban ton kuarto, tan saray padir tod dalem et kapara na kabaleg na saramay walad arum a dalan na puirta. Wala met iray bintana na sayan dalan na puirta. Say karokey to et duamplo tan anem a mitro tan say kaawang to et labintalon mitro.

Ezekiel 40:31

Say lolooban a kuarto to et sankaarap toy sananey a patio, tan nikorti ray palmiran kiew diad saray padir na dalan. Waloran balitang so mamaarap ed sayan puirta.

Ezekiel 40:33

Say kabaleg na saray panagguardiaan ton kuarto, say lolooban ton kuarto, tan saray padir to ed dalem et kapara na kabaleg na saramay walad arum a dalan na puirta. Aliber na saray bintana tan anggan samay lolooban a kuarto. Duamplo tan anem a mitro so karokey to tan labintalon mitro so kaawang to.

Ezekiel 40:34

Say lolooban na baleg a kuarto et sankaarap toy patio ed paway. Nikorti ray kiew a palmira ed saray padir diad lolooban. Waloran balitang so mamaarap ed sayan puirta.

Ezekiel 40:36

Singa saramay arum a puirta, wala met iray panagguardiaan ton kuarto, saray adikoraan a padir ed dalem, say lolooban a kuarto, tan saray nipaliber a bintana. Duamplo tan anem a mitro so karokey to tan labintalon mitro so kaawang to.

Ezekiel 40:37

Akaarap ed patio ed paway so lolooban a kuarto. Nikorti ray kiew a palmira ed saray padir ed paway ya akaarap ira ed lolooban. Waloran balitang so mamaarap ed sayan puirta.

Ezekiel 41:3

Insan samay laki linmoob ed sankadaleman a kuarto. Sinukat toy dalan a mamaarap ed saman a kuarto: sakey a mitroy kaaralem to tan taloran mitroy kaawang to. Talora tan kapalduan mitro so kapal na nantopag a padir to.

Ezekiel 41:25

Wala ra met so nikortin kiew a palmira tan kirubin ed saramay kaput na Masanton Pasen, a singa saramay nikorti ed padir. Walay tablan tarung ed paway na dalan na puirta na samay kuarton lolooban.

1 Saray Arari 7:4

Diad kapag dapag na nantopag a padir, walay taloran talonton na bintana.