Ezekiel 40:10 - Maung A Balita Biblia

¹⁰ Saramay kuarton panagguardiaan a walad balang dapag na samay dalan et nampaparay kabaleg da, tan nampaparay kakapal na saray padir a nanleleetan da.)

Maung a Balita Biblia

¹⁰ Saramay kuarton panagguardiaan a walad balang dapag na samay dalan et nampaparay kabaleg da, tan nampaparay kakapal na saray padir a nanleleetan da.)

Ezekiel 40:10 Referans Kwoze

Ezekiel 40:7

Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.

Ezekiel 40:11

Kayari to ya, sinukat na samay laki so kaawang na samay dalan. Pitoran mitro ya amin so kaawang to tan say liwang na nanleetan na duaran akalokas a puirta et limaran mitro so sukat to.

Ezekiel 40:29

Say kabaleg na saray panagguardiaan ton kuarto, say lolooban ton kuarto, tan saray padir tod dalem et kapara na kabaleg na saramay walad arum a dalan na puirta. Wala met iray bintana na sayan dalan na puirta. Say karokey to et duamplo tan anem a mitro tan say kaawang to et labintalon mitro.

Ezekiel 40:21

Say sukat na amin da ray kuarton panagguardiaan ed kapag dapag na dalan, saray padir ed nanleleetan da, tan say lolooban a kuarto et kaparay sukat da ra may walad dalan na puirtad bokig. Duamplo tan anem a mitro so karokey to tan labintalon mitro so kaawang to.

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.