Ezekiel 40:1 - Maung A Balita Biblia

¹ Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Maung a Balita Biblia

¹ Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Ezekiel 40:1 Referans Kwoze

Ezekiel 33:21

Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.

Ezekiel 37:1

Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Ezekiel 32:17

Nen kumalabinliman agew na ononan bulan na kumalabinduan taon na inkibantak mid arum a bansa, say Katawan akisalitad siak.

Ezekiel 32:1

Nen ononan agew na kumalabinduan bulan na kumalabinduan taon na inkibantak mid arum a bansa, say Katawan akisalitad siak.

Ezekiel 3:22

Aliknak so pakayari na Katawan tan nadngel kon kuantod siak, “Alagey ka tan lakad patar. Mitongtong ak ed sikad man.”

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Ezekiel 29:17

Nen ononan agew na ononan bulan na kumaduamplo tan piton taon na inkibantak mi, say Katawan akisalitad siak.

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Ezekiel 8:1

Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 12:3

Iter mo ra yan bilin ed amin ya Israelita: Diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Exodo 40:2

“Diad ononan agew na ononan bulan iliram so Tuldan Ayamay Katawan.