Ezekiel 39:25 - Maung A Balita Biblia

²⁵ Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Maung a Balita Biblia

²⁵ Say Katawan a Dios kuanto, Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Ezekiel 39:25 Referans Kwoze

Ezekiel 34:13

Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Isaias 56:8

Say Katawan a Dios ya angisempet ed saray totoo ton Israel manlapud saray bansan nibantakan da et insipan to a pikasakeyen to nid sikara iray arum a totoo.

Zacarias 8:2

“Pampilpilalekan kon tulongan so Jerusalem lapud inararok iray totoo to; lapud panangarok ed sikara siak so akapasnuk ed saray kalaban da.

Zacarias 1:14

Insan samay anghil imbaga tod siak ya ibawag ko may imbaga na Katawan a Makapanyarin-amin: “Mapalaloy panangarok ed Jerusalem a masanton siudad ko.

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 31:3

pinmatnag ak ed sikara manlapud arawi. Totood Israel, inaro ta kayo lawas, kanyan intuloy kon impatnag ed sikayo so ag mangoman a panangarok.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Saray Salmo 85:1

Katawan, mapangasi kad dalin mo; pinaaligwas mo lamet so Israel.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Ezekiel 36:10

Parakelen koy bilang yo. Manayam kayod saray siudad tan pasimbaloen yon ipaalagey iray aderal-deral a bengatla.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’