Ezekiel 39:18 - Maung A Balita Biblia

¹⁸ Nepeg a mangan ira na laman na saray sondalo tan oninom na dala da ray manoley ed tapew na dalin, a napatey iran amin a singa karniron kalakyan odino kordiro odino kanding, odino mataban bakan kalakyan.

Maung a Balita Biblia

¹⁸ Nepeg a mangan ira na laman na saray sondalo tan oninom na dala da ray manoley ed tapew na dalin, a napatey iran amin a singa karniron kalakyan odino kordiro odino kanding, odino mataban bakan kalakyan.

Ezekiel 39:18 Referans Kwoze

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

Jeremias 51:40

Tengtengen ko ran singa papatasen a kordiro, kanding, tan kalakyan a karniro. Siak, say Katawan, so nansalita.”

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.

Jeremias 50:27

Patey yo ray amin a sondalo ra! Patas yo ra! Pangaskasiyan iray taga Babilonia! Sinmabi lay panaon na panusad sikara!” (

Puyan 19:21

Saray dakerakel a sondalo ra pinatey met na samay ispada a pinmaway ed sangi to may akakabayo; tan nansawa ray manok ya angan ed bangkay da.

Ezekiel 34:17

“Natan sirin, karnirok ira, siak a Katawan a Dios ibabagak ed sikayo a sintinsiaan koy balang sakey ed sikayo tan ibiig koy maung ed makapoy, saray karniro ed saray kanding.

Ezekiel 34:8

Andi-duaruwa a siak so mabilay a Dios; dinmengel kayo komun ed siak. Dinogpaan, pinatey tan binuag na saray ayayep ed katakelan iray karnirok lapud anggapoy mampastol ed sikara. Saray pumapastol ko et ag da inanap iray karnirok. Say laman dan dili so inaasikaso ra, aliwan saray karniro.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Isaias 34:7

Saray totoo napelag iran singa saray bakad katakelan tan saray kilaw a bakan kalakyan tan nabalangaan na dala so mundo tan nalayanapan na taba.

Saray Salmo 68:30

Pampasnukan mo pay Egipto, saman ya ayep ed katanobungan; pampasnukan mo ray bansa, saman a poluk na bakan kalakyan tan saray kilaw da, anggad ontuek iran mangibagat ed sika na pilak da. Buybuyak mo pa ray totoon labalabay day mibakal!

Deuteronomio 32:14

Daakan a gatas so inter na saray baka tan saray kanding da; awalaan iray sankaabigan a karniro, kanding, tan baka, awalaan met ira na sankaabigan a trigo, tan sankasamitan ya alak.

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Ezekiel 39:19

No pateyen kon singa saray bagat ira yan totoo, saray manok tan saray ayayep kanen day labalabay dan taba tan inomen day nayarian dan inomen a dala.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.